POP 5

Lajmet më të lexuara të 5 minutave të fundit

Arkiva

Si zgjidhet presidenti i Shteteve të Bashkuara të Amerikës

Sistemi zgjedhor në Shtetet e Bashkuara të Amerikës nuk u jep të drejtën qytetarëve të përcaktojnë në mënyrë krejtësisht të drejtpërdrejtë kandidatin fitues. Me votën e tyre ata zgjedhin për formimin e "Kolegjit Zgjedhor" i cili përbëhet nga 538 anëtarë.
NJU JORK- Sistemi zgjedhor në Shtetet e Bashkuara të Amerikës nuk u jep të drejtën qytetarëve të përcaktojnë në mënyrë krejtësisht të drejtpërdrejtë kandidatin fitues. Me votën e tyre ata zgjedhin për formimin e "Kolegjit Zgjedhor" i cili përbëhet nga 538 anëtarë.

Secili nga 50 shtetet përfshirë Uashingtonin ka një numër të caktuar të delegatëve, varësisht nga popullsia. Kalifornia, me popullatën më të madhe i ka 55, ndërsa kryeqyteti i SHBA-së, vetëm 3.

Në fletën e votimit çdo qytetar voton për Presidentin dhe për zv.presidentin. Votat popullore në çdo shtet numërohen dhe kandidati i cili merr më shumë vota rezulton fitues i këtij shteti ndërsa merr automatikisht mbështetjen e përfaqësuesve të shtetit në Kolegjin Zgjedhor.

Kolegji Zgjedhor është ndërtuar në vitin 1787, nga autorët e Kushtetutës, si kompromis ndërmjet avokatëve të votimit të drejtpërdrejtë dhe atyre të cilët donin që Kongresi të zgjedhë kreun e shtetit.

Për të fituar, një kandidati i duhen shumica e votavetë Kolegjit, pra 270. Nëse Kolegji Zgjedhor është i barabartë, Dhoma e Përfaqësuesve ka fuqi për të zgjedhur presidentin e ardhshëm.

Kolegji është parë si një ekuilbër që i jep shteteve të vogla më shumë fuqi në zgjedhjet presidenciale. Kolegji Elektoral është kundërthënës, sepse mund ta shpërblejë me presidencë ndonjë kandidat, i cili në votën kombëtare radhitet i dyti.

Kjo ishte pikërisht ajo që ndodhi në vitin 2000, kur Al Gor fitoi shumicën e votave, por jo edhe shumicën e votave te Kolegjit Elektoral. George Bush u shpall fitues, me 271 vota elektorale kundrejt 266 votave të Al Gorit

Në vitin 1876, kur kandidati republikan, Rutherford B. Hayes u zgjodh president, demokrati Samuel Tilden u bë kandidati i parë presidencial që fitoi më shumë se 50 për qind të votave popullore, por humbi në Kolegjin Zgjedhor.

Në vitin 1824, me katër kandidatë që garonin nga partia Demokratiko-Republikane, asnjë kanddiat nuk fitoi shumicën e Kolegjit Zgjedhor. Si rezultat, Dhoma e Përfaqësuesve, u thirr dhe e zgjodhi John Quincy Adams.

Hera e vetme kur Dhoma e Përfaqësuesve ka thyer votat e barabarta të Kolegjit Zgjedhor ka qenë në vitin 1800 kur numri i njëtë i të zgjedhurve votuan për Thomas Jefferson dhe Aaron Burr-in.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35