Shqipëria ka nënshkruar një marrëveshje strategjike me Emiratet e Bashkuara Arabe mes Autoritetit Kombëtar për Certifikimin Elektronik dhe Sigurinë Kibernetike në Shqipëri dhe Këshillit të Sigurisë Kibernetike të Emirateve të Bashkuara Arabe. I pranishëm gjatë ceremonisë së nënshkrimit të marrëveshjes ishte edhe ministri i Punëve të Jashtme të Emirateve të Bashkuara Arabe, Sheikh Abdullah Bin Zayed Al Nahyan bashkë me kryeministrin Edi Rama. Kreu i qeverisë e cilësoi të një rëndësie të jashtëzakonshme strategjike për vendin tonë.
“Dua të falenderoj prej zemrës ambasadorin e Emirateve të Bashkuara Arabe dhe të gjithë ata në këshillimin e Presidentit të Emirateve dhe ministrit të Jashtëm kanë ardhur të nënshkruajnë këtë marrëveshje që është e një rëndësie të jashtëzakonshme strategjike për vendin tonë sepse ka të bëjë me sovranitetin dhe integritetin e këtij vendi me atë çka sot është sot lloji i ri i kërcënimit ndaj sovranitetit dhe integritetit. Jo duke treguar tanket dhe avionët që shkelin integritetin territorial, por duke miratuar dhe duke sulmuar hapësirën kibernetike për të paralizuar të gjitha funksionet shtetërore”, tha Rama.
Kreu i qeverisë falënderoi ministrin e Jashtëm Abdullah Bin Zayed Al Nahyan, i cili i premtoi Ramës rritje të bashkëpunimit.
“Sipas bisedës që bëmë bashkë me kolegët për energjinë, infrastrukturën dhe turizmin, përmes jush kryeministër do të doja të them se ne jemi të nderuar që kemi 12 mijë shqiptarë që jetojnë në Emiratet dhe kanë bërë një punë kaq të mirë. E shohim procesin e normalizimit midis Shqipërisë dhe Kosovës si diçka që është jashtë mase inkurajuese”.- u shpreh diplomati i Emirateve tw Bashkuara Arabe.
Marrëveshja strategjike u nënshkrua mes Autoritetit Kombëtar për Certifikimin Elektronik dhe Sigurinë Kibernetike në Shqipëri dhe Këshillit të Sigurisë Kibernetike të Emirateve të Bashkuara Arabe.
Ministri i Jashtëm i Emirateve të Bashkuara Arabe Abdullah Bin Zayed Al Nahyan, në një konferencë për shtyp me kryeministrin Edi Rama, vlerësoi marrëdhëniet e mira mes dy shteteve. Diplomati i Emirateve të Bashkuara Arabe u shpreh se presim me padurim që të punojë ngushtë me Shqipërinë. Ai tha se në Emiratet e Bashkuara Arabe jetojnë dhe punojnë 12 mijë shqiptarët të cilët bëjnë një punë shumë të mirë.
‘Kryeministër më lini të them se sa i nderuar jam që kthehem në Tiranë. Ndihem vërtetë në siklet që janë bërë kaq vite nga vizita që kur isha në Kukës. Nuk i harroj kurrë ato pamje të njerëzve që ishin në nevojë, por edhe të bujarisë së Shqiptarëve drejt kosovarëve. Kryeministër ju jeni një komb me shumë fat dhe ja keni dalë në një periudhë kaq të shkurtër për t’ja dalë mbanë. Jam i lumtur të shoh se marrëdhënia jonë po rritet por do të thoja dhe do të doja që ajo të rritet më shpejt. Ka kaq shumë gjëra të mira që po ndodhin, por ka edhe shumë gjëra që do të bëjmë. Sipas bisedës që bëmë bashkë me kolegët për energjinë, infrastrukturën dhe turizmin, përmes jush kryeministër do të doja të them se ne jemi të nderuar që kemi 12 mijë shqiptarë që jetojnë në Emiratet dhe kanë bërë një punë kaq të mirë. Në do të bëjmë gjithçka të mundur për ta që të ruajmë kontaktet në vend por edhe që ata mos të ndjejnë mallin për shtëpinë. Kryeministër dua të them se Emiratet e Bashkuara Arabe do të përpiqen të punojnë me miqtë e tyre në Ballkan duke vlerësuar paqen dhe duke respektuar të shkuarën dhe historinë. E shohim procesin e normalizimit midis Shqipërisë dhe Kosovës si diçka që është jashtë mase inkurajuese. E mbështesim fort atë dhe do të punojmë për tu siguruar që normalizim i Kosovës dhe Serbisë të jetë i suksesshëm. Pres me padurim të punojmë ngushtë me ju.’- u shpreh ministri i Jashtëm i Emirateve të Bashkuara Arabe.
Kryeministri Edi Rama ka pritur në takim ministrin e jashtëm të Emirateve të Bashkuara pas nënshkrimit të marrëveshjes për bashkëpunim në sigurinë kibernetike që e cilësoi me rëndësi strategjike për vendin tonë. Rama e falenderon që kanë qenë pranë Shqipërisë kur ka pasur më shumë nevojë dhe thotë se po ndikojnë në procesin e normalizimit të marrëdhënieve mes Serbisë dhe Kosovës.
“Më lini të shpreh mirëseardhjen nga zemra ministrit të Punëve të Jashtme të Emirateve të Bashkuara Arabe në Shqipëri. Emiratet e Bashkuara është një vend që ka qenë i pranishëm kur ne e kemi pasur më të nevojshme për të mos u ndjerë të vetëm. Duke e nisur me eksodin e madh masiv të shqiptarëve të Kosovës drejt Shqipërisë kur presidenti aktual i Emirateve të Bashkuara, i shoqëruar nga një grup i madh njerëzish për të sjellë ndihmë e lehtësim dhe kur u hap rruga për uljen e avionëve në Kukës për të ndihmuar ata që ishin shumë në nevojë.
Miqësinë e kemi ndjerë dhe më duhet të them që vitet e fundit kanë shenjuar zhvillime tejet positive. Si dëshmitar i vullnetit të plotë të Emirateve të Bashkuara Arabe për t’u bërë pjesë e një rrugëtimi të gjatë por edhe për të bërë gjithcka për preocesin e normalizimit mes Serbisë dhe Kosovës si dhe për t’u siguruar që të gjitha vendet bashkë të marrin gjithmonë e më tepër së bashku në të ardhmen dhe të jenë më pak të lidhur me të shkuarën. Nuk është motivim i mirë nëse nuk shohim arsye për të vrapuar drejt së ardhmes.
Miku im, e di që keni shumë punë, duhet të shkoni nga njëra pikë në tjetrën. Jeni gjithmonë në vrap e sipër por nuk ju kam zili. Ne ju vlerësojmë e jemi të bekuar që kemi qenë kaq të privilegjuar për këtë periudhë historike që pas një izolimi të gjatë mundëm të takojmë njerëz si ju dhe si popullin e emirateve që na e bëjnë jetën më të bukur se jo vetëm s’ndihemi vetëm por jashtë mase të respektuar.
Asgjë s’është më e rëndësishme se miqësia”, tha Rama.
Komente
Lajme të tjera
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16
siguri kibernetike nuk ka. por me mire thuaj si e siguron shteti te dhenat e qytetareve qe te mos i marre krimi i organizuar
PërgjigjuDuke pare edhe sulmet e meparshme kjo gje eshte mese e nevojshme
Përgjigjubravo nje gje shume e mire per vendin tone
PërgjigjuDicka mese e nevojshme
PërgjigjuKryekrimineli nderkombtar Edvin shkjau shqipfolës me kriminel ordiner arab …!Flliqsira e Shqipëris ”moderne” me trafikingenjör njerzore dhe KOKAIN
PërgjigjuLajm shume i mire per vendin tone
PërgjigjuKeto marreveshje sjellin vendime shume te mira
PërgjigjuNje tjeter marreveshje shume e rendesishme e cila ka per te sjell akoma edhe me shume zhvillim
PërgjigjuShume projekt i rendesishem ky per vendin tone
Përgjigju