POP 5

Lajmet më të lexuara të 5 minutave të fundit

Politikë

Siguria/ Para Lleshit, Meta vazhdon të mbajë të bllokuar edhe dekretimin e kreut të SHISH, Helidon Bendo

Ky qëndrim i presidencës lë vend për interpretime nësë është një JO përfundimtare për kandidaturën e Sandër Lleshit i cili sipas nenit 98 të kushtetutës thotë se Ministri emërohet dhe shkarkohet nga presidenti i Republikës me propozim të kryeministrit, brenda 10 ditëve nga Kuvendi

Siguria/ Para Lleshit, Meta vazhdon të mbajë të bllokuar edhe dekretimin e kreut të SHISH, Helidon Bendo

Presidenti Ilir Meta dhe kryeministri Edi Rama

Kur mbeten më shumë se 24 orë nga mbarimi kohës për dekretimin apo jo të Sandër Lleshit si ministër i punëve të brendshme presidenti Ilir Meta ha hedhur një hap të pa precedent.

Përmes një fjalie të vetme presidenca thotë se “Presidenti i Republikës", Ilir Meta nuk ka krijuar bindjen e plotë për ti dhënë besimin kandidaturës së Zotit Sandër Lleshi  si Ministër i Brendshëm”. 

Ky njoftim ambiguoz i presidencës i pa shoqëruar me të dhëna të tjera nuk e qartëson askap se cili është qëndrimi presidentit dhe lë të kuptohet sikur presidenca kërkon të blejë kohë deri në dhënien e shkaqeve të mos dekretimit. 

Ky qëndrim i presidencës lë vend për interpretime nësë është një JO përfundimtare për kandidaturën e Sandër Lleshit i cili sipas nenit 98 të kushtetutës thotë se Ministri emërohet dhe shkarkohet nga presidenti republikës me propozim të kryeministrit brenda 10 ditëve nga Kuvendi.

Në një kohë kur presidenti Ilir Meta thotë se për kandidaturën e propozuar nga Edi Rama nuk ka krijuar bindjen e plotë nuk jep asnjë shpjegim  se cilat janë arsyet që nuk e ka krijuar ketë bindje.

Situata bëhet edhe më absurde nëse do ti referohemi kushtetutës e cila i jep presidentit dy mundësi. Dekretim ose mos dekretim dhe nuk i kërkon në asnjë rresht kreut të shtetetit të sqarojë bindjet e tij për kandidaturat e ministrave.

Ajo që kushtetuta i kërkon presidentit është e sanksionuar  nenin 103 të kushtetutës ku thuhet se: “Ministri nuk mund të ushtrojë asnjë veprimtari tjetër shtetërore dhe as të jetë drejtues ose anëtar i organeve të shoqërisë civile fakt leshtësisht i kërkueshëm nga presidenca për Sandër Lleshin.“

Jo-ja e presidentit Meta për Sandër Lleshin e konplikon edhe më shumë situatën ku presidenti Meta e vendos veten e tij në një kohë kur ai drejton këshillin kombëtar të sigurisë organ ku në përbërje ka ministrin e brendshëm, një të tillë Shqipëria për momentin nuk e ka përfshi kreun e SHISH edhe ky ende i pa dekretuar nga presidenti.

Nëse kthehemi pas në kohë, kur Fatmir Xhafaj u emërua ministër, presidenti i asokohe, Bujar Nishani, kishte shprehur mosbindje personale ndaj Xhafajt, por më pas vetë pranoi që Kushtetuta nuk i jepte hapësirë për të mos dekretuar një ministër.

Kështu që nuk përjashtohet mundësia që pavarësisht nga ‘mosbindja’ e shprehur sot nga Meta, presidenti prapë brenda të hënës që është edhe afati i fundit për t’a dekretuar, ai mund ta firmosë dekretin për të emëruar gjeneralin Sandër Lleshi si ministër i Brendshëm.

Në të kundërt, ky vendim i Metës mund të hapë një konflikt kushtetues mes institucioneve, që në Shqipëri nuk ka asnjë precedent të mëparshëm. Më shumë se sa një mos dekretim ndaj Sandër Lleshit sot dhe muaj më parë të kreut të SHISH Helidon Bendo, presidenti Meta e fut institucionin që drejton në një kurs përplasje me kryeministrin Edi Rama.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08