POP 5

Lajmet më të lexuara të 5 minutave të fundit

Bota

Sigurimi i armëpushimit në Gaza, Blinken në Tel Aviv: Do të ndihmohet gaza, jo Hamasi!

Sekretari amerikan i Shtetit, Antony Blinken, ka mbërritur në Tel Aviv për bisedime me kryeministrin izraelit, Benjamin Netanyahu në lidhje me armëpushimin e arritur javën e kaluar, pas 11 ditësh luftime në Gaza dhe Izrael mes forcave izraelite dhe militantëve palestinezë.

Sekretari amerikan i Shtetit, Antony Blinken, pas takimit me kryemnistrin izarelit në  Tel Aviv deklaroi se Uashingtoni do të angazhohet për të adresuar “situatën e rëndë humanitare” në Gaza, por duke u siguruar që ndihmat të mos bien në duart e Hamasit. Blinken ka thënë se udhëtimi i tij në Lindje të Mesme ka për qëllim mbështetjen e përpjekjeve për të siguruar armëpushimin mes Izraelit dhe militantëve të Hamasit.

Sekretari amerikan i shtetit do të qëndrojë edhe në Bregun Perëndimor ku do të takojë presidentin e Autoritetit Palestinez, Mahmud Abbas, ndërsa më pas do të shkojë në Egjipt dhe Jordani. Diplomati i lartë amerikan nuk do të takohet me përfaqësuesit e Hamasit, pasi nga perëndimorët ata konsiderohen si grup terrorist.

Pas takimit kryeministri Netanyahu paralajmëroi se përgjigjja e Izraelit do të ishte “shumë e fuqishme” nëse Hamasi shkel armëpushimin e arritur javën e kaluar që i dha fund luftimeve 11 ditëshe mes forcave izraelite dhe militantëve palestinezë.

Diskutimet e Blinken me kryeministrin izraelit Benjamin Netanyahu, presidentin palestinez Mahmoud Abbas, presidentin egjiptian Abdel Fattah el-Sissi dhe mbretin jordanez Abdullah II do të përqëndrohen në forcimin e armëpushimit, dërgimin e ndihmës urgjente në Gaza, duke i dhënë fund dhunës brenda-komunale në qytetet izraelite dhe hedhjen e bazave paraprake për një kthim në bisedimet e paqes.

Autoritetet izraelite kanë thënë se po lejojnë furnizimin e Gazës me ilaçe dhe ushqime. Nga luftimet më të ashpra në vitet e fundit mes Izraelit dhe palestinezëve janë vrarë më shumë se 250 njerëz, kryesisht palestinezë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20