POP 5

Lajmet më të lexuara të 5 minutave të fundit

Kronikë

Sigurimi i pronës nga zjarri, rritet ndjeshëm numri i kontratave! Në muajt janar-qershor u lidhën mbi 25 mijë kontrata sigurimi

Qytetarët shqiptar kanë nisur të ndërgjegjësohen dhe të sigurojnë pronat nga fatkeqësitë natyrore. Në 6 muajit e parë të këtij viti janë lidhur mbi 25 mijë kontrata për mbrojtjen e pronës nga zjarri dhe forca të tjera të natyrës, me një rritje prej 11.5% krahasuar me vitin e kaluar. Ndërkohë sipas të dhënave të AMF-së këtë vit është ulur vlera e dëmit që iu është paguar qytetarëve.

TIRANË-Temperaturat e nxehta dhe papërgjegjshmëria e qytetarëve, po shkaktojnë dëme të parikuperueshme në natyrë e mjedis.  Me mijëra hektarë pyje të djegura dhe ende nuk ka një bilanc për dëmin e shkaktuar në florë e faunë, pasi flakët vijojnë nga jugu deri në veri të Shqipërisë. Jo vetëm pyje por edhe shtëpi e stane me bagëti janë shkrumbuar nga flakët.

Por sa të ndërgjegjshëm janë shqiptarët për tu siguruar nga zjarri?

Në 6 muajit e parë të këtij viti janë lidhur 25.485 kontrata për sigurimin e pronës nga zjarri e nga forcat e natyrës si dhe nga dëmtime të tjera, nga 22.839 kontrata që u lidhën në të njëjtën periudhë të vitit të kaluar. Kjo rritje dëshmon një rritje të ndërgjegjësimi pas fatkeqësive natyrore (tërmet, zjarre, përmbytje) që kanë ndodhur në vend.

Si pasojë e rritjes së numrit të kontratave të lidhura, është rritur edhe primi i sigurimit që është paguar. Nga 732.2 milionë lekë që u pagua në vitin e kaluar për sigurimin e pronës nga zjarri, në 6 muajit e parë të këtij viti janë paguar mbi 1 miliardë lekë.

Por teksa numri kontratave është rritur me 11.5% krahasuar me 2020-ën, është ulur vlera e dëmshpërblimit që është dhënë për qytetarët këtë vit.

Sipas të dhënave të Autoritetit të Mbikëqyrjes Financiare nëse në vitin e shkuar dëmet e paguara për sigurimin nga zjarri dhe forcat e natyrës ishte mbi 2 miliardë lekë, këtë vit nga janari-qershor janë paguar nga shoqëritë e sigurimit 514.3 milionë lekë.

Për gjashtëmujorin e parë të këtij viti janë dëmshpërblyer për dëmet në pronë nga zjarri apo forcat të tjera të natyrës 361 të siguruar, nga 3.467 që ishte numri në të njëjtën periudhë të vitit 2020, duke pësuar nj ulje prej 89.5%.

Vlera e dëmshpërblimeve këtë vitit pritej të ishte më e lartë për shkak edhe të përmbytjeve që ndodhën në fillim të këtij viti, që dëmtuan me dhjetëra prona të siguruara.

Numri i kotratave dhe dëmeve të paguara në Sigurimin e Jo-Jetës

Dëmet e paguara bruto

Primi i shkruar bruto

Numri i dëmeve të paguara

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54