Silura e Deontay Wilder, mposht me nokaut kundërshtarin që në raundin e parë (VIDEO)

Superpërballja e shumëpritur në boks për pesha të rënda mes Deontay Wilder dhe Domenic Breazeale ka zgjatur më pak se dy minuta. Kampioni në fuqi i titullit WBC, Wilder, i dha fund takimit me një të djathtë potente që në raundin e parë. Pas një nisje në dukje të barabartë dhe që pritej të mbyllej me pikë, Wilder lëshoi një silur në nofullën e majtë të bashkëkombasit të tij duke e rrëzuar në ring.

Megjithëse Dominic u përpoq nuk arriti ta shmangte dot humbjen. Për Wilder kjo ishte fitorja e 41 në karrierë në 42 ndeshje, ndërkohë që vetëm 1 sfidë është mbyllur në barazim. Pikërisht ajo kundër Tyson Fury me 1 dhjetor të 2018. Ndërsa për Domenic kjo ishte humbja e dytë në karrierë, pasi më herët ishte mposhtur edhe nga kampioni i shumë titujve Anthony Joshua.

Në përfundim të takimi Wilder tregoi edhe anën e tij njerëzore pasi para takimit me Domenic për mediat kishte deklaruar ‘se dëshironte të vriste dikë në ring’. Ai tha: “Sapo i komunikova Domenic se e dua dhe që gjithashtu jam i lumtur të shkoj në shtëpi pranë familjes së tij.”

Në fund Wilder u shpreh se shpejtë do të pranojë ‘re-match-in’ me Tyson Fury dhe përballjen me Anthony Joshua, dy boksierë të peshave të rënda që gjithashtu nuk kanë asnjë humbje në karrierën e tyre.  Por në deklarëtën e tij për dy boksierët Wilder ishte kërcënues, kjo edhe me të drejtë pasi 20 nga 41 fitoret e tij janë vulosur me nokaut që në raundin e parë.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia