Receta

Simite, Gjevrekët turk nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 28 Prill 2023, 11:50 | Përditesimi: 28 Prill 2023, 11:51

Simite / Gjevrekët turk

Përbërësit:

1 fç qumësht i vakët
1 fç ujë i vakët
1 ls maja
1 lç kripë
1 lç sheqer
4 gota miell
4 ls vaj
Susam për spërkatje

Për shoqërim:

LEXO EDHE:
Petulla me miell misri nga zonja Albana

Shishqebap me sallam, speca, domate

Përgatitja:

Në një enë shtojmë ujë dhe pak qumësht të vakët, majanë, vajin, sheqerin dhe 2 lgj miell. E lemë majanë të aktivizohet. Më pas shtojmë pjesën tjetër të qumështit dhe ujë sikurse dhe miellin me pak kripë. Zemë brumin dhe e lemë të vijë për 30 minuta. Më pas e punojmë dhe e ndajmë në toptha të vegjël. Krijojmë shirita dhe në çdo 2 shirita i bashkojmë bashkë duke i përdredhur dhe duke i bërë kular ose rrethore. I spërkasim me fara susami dhe i pjekim në furrë të parangrohur në temperaturën 200 gradë Celsius për 40 minuta.

Ndërkohë përgatisim shishqebapin për të shoqëruar gjevrekët. Sallamin turist e presim në copa për ta kaluar në shkopat e shishqebabit së bashku me speca dhe domate qershi. I kalojmë në zgarë derisa të piqen.

MC/Shqiptarja.com

TAG: