Si parashikohet moti në natën e ndërrimit të viteve dhe në ditët e para të Vitit të Ri

Në vendin tonë janë duke qarkulluar masa ajrore relativisht të paqëndrueshme dhe të ftohta në zonat malore. Gjatë ditës së sotme do të mbizotërojnë vranësirat mesatare dhe të dendura në veri e veriperëndim. Reshjet e shiut lokale do të përfshijnë veriperëndimin e vendit deri mëngjesin e së shtunës. Njëkohësisht edhe temperaturat nën 0 gradë do të jenë të pranishme në zonat malore në mëngjes. 

Duke nisur prej ditës së sotme në vend do të hyjnë në qarkullim masat e qëndrueshme të cilat do të sjellin mot me diell. Vranësirat të pakta dhe lokalisht mesatare do të jenë të pranishme në ditët e para të vitit pa praninë e reshjeve. Temperaturat nesër në Tiranë datë 1 janar, më e ulëta do të shënojë 5 gradë deri maksimalisht gjatë ditës 19 grade Celcius. Data 2 Janar nuk do te ketë luhatje gati me të njëjtat vlera.

Mjegulla dhe mjegullina do të bëhen prezente në zonat luginore të vendit. Era do të fryjë juglindje e verilindje e lehtë e mesatare në bregdet. Valëzimi i forcës 1 deri 3 ballë. Temperaturat për shkak të hyrjes së masave të ngrohta do të kenë tendencë rritje në mesditë.

Zonat malore -1 deri 13 grade C

Zonat e ulta 5 deri 21 gradë C

Zonat bregdetare 6 deri 20 gradë C

M.Q./Shqiptarja.com

TAG:
• moti
• parashikimi i motit