Europol: Numri i sulmeve xhihadiste në Europë u dyfishua në vitin 2017

Numri i sulmeve xhihadiste u dyfishua në Europë në vitin 2017, deklaroi sot agjencia e policisë Europol, duke paralajmëruar për ndjeshmërinë e rrezikut për akte më pak të sofistikuara që janë marrë përsipër nga grupi i Shtetit Islamik.

Vitin e kaluar, 33 sulme terroriste u regjistruan nga Europol. Në mesin e këtyre sulmeve të kryera, të dështuara apo të pasukseshme në territorin europian, 10 çuan në vdekjen e 62 personave, njoftoi agjencia europiane e policisë në një raport vjetor.

13 sulme u sinjalizuan në vitin 2016 dhe dhjetë në mesin e tyre ishin tragjikë, ku mbetën të vrarë një total prej 135 personash.
“Numri i akteve terroriste xhihadiste u rrit në vitin 2017, por paralelisht edhe niveli i tyre i përgatitjes dhe ekzekutimit të sulmeve është bërë më pak i sofistikuar”- theksoi Europol në një raport të quajtur “Situata dhe tendencat e terrorizmit”.

LEXO EDHE:
EUROPOL paralajmëron rritje të krimit të organizuar: Tregtia e drogës po nxit dhunën, situata është dramatike

Agjencia europiane e policisë i referohet akteve terroriste të kryera nga individë të cilët marrin përpara turmën me ndihmën e një automjeti apo duke qëlluar me armë të ftohta kalimtarët, si rasti në Londër në vitin 2017 ku dy sulme të kësaj natyre vranë 13 persona dhe plagosën 98 të tjerë.

TAG:
• europol
• Akte terroriste

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  70.9%

• Jo

  20%

• Ndoshta

  9.1%

Vota total: 275

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta