POP 5

Lajmet më të lexuara të 5 minutave të fundit

Arkiva

SIRI – 24 të vdekur nga bombardimet e regjimit

BEJRUT, 15 prill /ATSH-AFP/ – Të paktën 24 persona u vranë nga bombardimet ajrore të ushtrisë siriane në rajonin e Idleb, një qytet veriperëndimor i kontrolluar nga dega lokale e Al-Kaedës, deklaroi sot një OJQ. Observatori sirian për të Drejtat e Njeriut (OSDH) konfirmoi se të paktën 12 persona, dy prej të cilëve fëmijë u vranë […]
/ATSH-AFP/ - Të paktën 24 persona u vranë nga bombardimet ajrore të ushtrisë siriane në rajonin e Idleb, një qytet veriperëndimor i kontrolluar nga dega lokale e Al-Kaedës, deklaroi sot një OJQ.
Observatori sirian për të Drejtat e Njeriut (OSDH) konfirmoi se të paktën 12 persona, dy prej të cilëve fëmijë u vranë nga një fuçi eksplozivësh që goditi ndërtesën ku ata ishin strehuar në Saraqeb në juglindje të Idlebit.
Këto fuçi të mbushura me eksploziv u hodhën nga helikopterët dhe nuk kishin asnjë vend të përcaktuar, por ato shkaktuan dëme të konsiderueshme, veçanërisht në mjedisin urban.
Njëmbëdhjetë persona të tjerë u vranë nga sulmet në lagje të ndryshme të Idlebit, pushtuar nga Front Al-Nosra dega siriane e Al-Kaedës dhe organizatave islamiste që prej fillimit të prillit.
Një burim ushtarak i cituar nga agjencia e lajmeve "SANA" konfirmoi se ushtria kishte si shënjestër "pozicionet terroriste" në Idleb dhe rrethinat e saj.
Më shumë se 215.000 persona janë vrarë që prej fillimit të luftës civile në Siri, e cila ka me shumë se katër vjet.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vendosi eksploziv një hoteli në Theth, 39-vjeçari: Urdhrin e mora nga burgu

12 Janar, 11:50