POP 5

Lajmet më të lexuara të 5 minutave të fundit

Arkiva

Siri, artileri fshatrave
Luks për Lady Assad

Luftime të ashpra njoftohen rreth 30 km në perëndim të qytetit të Aleppo-s, në veri të Sirisë. Sipas burimeve të rebelëve, të kontaktuar nga France Presse, artileria e regjimit, e vendosur në Urm Assughra, po bombardon fshatrat Aljineh, Ibbin dhe Zardana. Dëgjohen shpërthime por është e pamundur për të ditur numrin e viktimave.
DAMASK - Luftime të ashpra njoftohen rreth 30 km në perëndim të qytetit të Aleppo-s, në veri të Sirisë. Sipas burimeve të rebelëve, të kontaktuar nga France Presse, artileria e regjimit, e vendosur në Urm Assughra, po bombardon fshatrat Aljineh, Ibbin dhe Zardana. Dëgjohen shpërthime por është e pamundur për të ditur numrin e viktimave.

Ndërkohë që në vendin e saj vazhdojnë masakrat ndaj civilëve, ajo, gruaja e Assad, bën shopping në lagjen më chic të Londrës, duke shpenzuar ekuivalenten e 300 mijë eurove në mobilje lluksi. Lajmi është publikuar nga “Mail on Sunday” që tregon ekskluzivisht një seri email-esh të Wikileaks me blerjet prej 270 mijë sterlinash të Asma Assad. Tavolina, divanë, tapete, të gjitha në stilin “otoman”, të marra në një prej dyqaneve më ekskluzive të Chelsea për të mobiluar rezidencën e saj verore, 200 milje larg Damaskut, në një vend ku mendohet se që nga marsi - data kur zonja Assad nisi porosinë - kanë humbur jetën rreth 16 mijë persona, mes të cilëve shumë gra e fëmijë. Një shifër jo e vogël për gruan që revista Vogue e kishte quajtur “një trëndafil në shkretëtirë”.

Ndërkohë, vëzhguesit e OKB-së dëshmojnë të kenë parë “njolla gjaku në dhomat e shumë shtëpive, shkollave të braktisura dhe ndërtesave të dëmtuara” në Tremseh, skenë e një masakre të ndodhur tre ditë më parë.

Ministri i Jashtëm sirian mohoi sot që në Tremseh të jetë përdorur artileria, tanke apo helikopterë siç u tha nga i dërguari special për Sirinë, Kofi Annan. Në Tremseh kanë humbur jetën 37 rebelë e dy civilë dhe jo më shumë se 100 persona siç pohojnë aktivistët, tha ministri.

(im/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:30