Civilët në Siri nuk po munden t’i shpëtojnë bombardimeve ndonëse autobuzët janë në gatishmëri.
Ata vijojnë të mbeten në kurth në zonën e Al Ramusa në jug të Alepos ku sulmet nuk dinë të ndalen.
Marrëveshja për evakuimin e civilëve nga lindja e Alepos drejt Turqisë është pezulluar dhe kanë vijuar luftimet me forcat rebele.
Ministri i jashtëm turk akuzon Damaskun se ka ndërprerë marrëveshjen e armëpushimit .Edhe Observatori për të drejtat e njeriut akuzon qeverinë e Assad se ka prishur marrëveshjen me Turqisë dhe Rusinë, ndërsa opozita akuzon Iranin aleatin e presidentit sirian.
Në Ankara të Turqisë është ndërtuar një kamp ku do të priten 80 mijë sirianë. Janë civilët ata që po e përjetojnë më shumë konfliktin pasi përdoren si mburoja nga rebelët dhe bien pre e sulmeve.
Mesazhet e dërguara në rrjetet sociale nga banorët janë rrenqethëse ku bëjnë thirrje se vdekja është shumë afër dhe shtëpitë e tyre janë kthyer në varre.Presidenti Bashara Al Assad deklaron se dëshiron ti largojë përfundimisht rebelët , dhe vijon të ketë rrugën e hapur duke patur parasysh edhe raportet që presidentit Trump mund të vendos me homologun rus Putin.
Organizatat ndërkombëtare, kancelarja Merkel, presidenti francez Holande jo vetëm kanë denuar vrasjet e civilëve por kanë bërë thirrje që popullsia të evakuhohet sa më shpejt.
Ndërsa Moska këmbëngul se clirimi i pjesës Lindore të Alepos ishte një sukses i trupave siriane. Kjo pjesë e Alepos ka qënë në duart e rebelëve që në vitin 2012.
Kanë qënë forcat qeveritare të mbështetura sidomos nga Rusia të cilat kanë larguar një pjesë të mirë të rebelëve. Duket se Asadi e fitoi Alepon, qytetin e dytë më të madh në vend, por i mbetet punë e madhe për të marrë në duar gjithë Sirinë.
Kujtojmë se prej më shumë se 4 vitesh Alepo ka qënë e ndarë në dy pjesë ana perëndimore duart e forcave qeveritare nga ana tjetër rebelët kontrollonin lindjen. Një konflikt i tillë duket se nuk ka të mbaruar dhe agonia në Alepo mund të përfqësojë jo fundin e luftës por fillimin e një historie edhe më të dhunshme.
[gallery]20142[/gallery]
Redaksia Online
(B.K/Shqiptarja.com)
![](https://www.shqiptarja.com/template/img/sh_logo1.png)