Këtë herë dezertori i radhës ishte ambasadori i Sirisë në Irak, Tarifat Nawaf, i cili ka kaluar në anën e opozitës dhe u bëri thirrje politikanëve të tjerë të lartë sirianë dhe anëtarëve të ushtrisë për të bërë të njëjtën gjë.
Nawaf e ka konfirmuar vëtë lajmin në një deklaratë të transmetuar në Al-Jazeera TV dhe rrjetin social Facebook.
Me flamujt revolucionarë sirianë pas tij, ai lexoi deklaratën e dorëheqjes: “Largimi im vjen në shenjë proteste ndaj mësymjes ushtarake të forcave qeveritare kundër kryengritjes 16-mujore, gjithashtu jap dorëheqjen si ambasador Sirisë në Irak si dhe anëtar i Partisë Baath”.
Tarifat Nawaf është i pari diplomat i lartë sirian që braktis regjimin diktatorial të presidentit Assad.
Ky veprim tij vjen vetëm një javë pasi një nga gjeneralët e lartë të regjimit gjithashtu dezertoi.
Në të njëjtën kohë vendet perëndimore po i kërkojnë OKB që të vendosë sanksione të ashpra kundër Sirisë.
(eb/shqiptarja.com)
![](https://www.shqiptarja.com/template/img/sh_logo1.png)