Siri, një tjetër shqiptar vritet gjatë
luftimeve me forcat e Assadit

ALEPO - Edhe një shqiptar tjetër është vrarë në përleshjen e brendshme të Sirisë. Ai është Ebu Amar, njofton portali boshnjak “Vijesti Ummeta”. Ky portal ka shkruar se ai ka humbur jetën në A’zat të Aleppos të Sirisë.
 
Ende nuk dihet nëse ky është një shqiptar i Maqedonisë, i Kosovës apo Shqipërisë, por në profilin e tij Facebook thuhet vetëm kjo: “Vëllai Ebu Amar, shqiptar”. Fotografia e postuar më poshtë nuk preferohet për ta parë të miturit dhe personat e ndjeshëm.
 
Në muajin gusht ishte njoftuar se dhjetëra shqiptarë janë bashkuar me kryengritësit në Siri, duke dhënë jetën kundër regjimit të presidentit Bashar al-Assad. Kështu kishte shkruar agjencia franceze AFP, në një reportazh të sajin duke nënvizuar se shumë prej tyre kthehen në qese trupash pranë familjeve të tyre, të cilat nuk e dinë se ata janë bashkuar me rebelët në luftë.

(Ne foto: Disa nga viktimat e sulmit të djeshëm në Siri)
 
Redaksia online
(ac/shqiptarja.com)