Siri, SHBA bombardojnë në Raqqa
Avionë dhe Tomahok ndaj ISIS

SIRI- Forcat ajrore të SHBA kanë nisur prej disa orësh bombardimin e postacioneve të ISIS në Siri, duke implikuar direkt në konfrontim ushtarak dhe Washingtonin. Ndërsa lajmin e ka dhënë vetë zëdhënësi i Pentagonit, John Kirby.
 
“Unë mund të konfirmoj se forcat amerikane me partnerët e koalicionit po kryejnë një sulm kundër terroristëve të shtetit islamik në Siri duke përdorur luftëtarë, aeroplanë bombardues dhe raketa të tipit ‘Tomahok’.

Duke pasur parasysh se këto operacione janë në vijim e sipër, nuk mund të japim detaje shtesë.” – ka shkruar Kirby në profilin e tij personal në Tëitter, duke dhënë kështu dhe lajmin e parë për një sulm në masë të gjërë ndaj xhihadistëve në Siri.
 
Ndërsa në orët në vijim, rreth mesditës, Observatori për të Drejtata e Njeriut në Siri ka deklaruar se ishin goditur rreth 20 objektiva në qytetin e Raqqa, i cili njihet dhe si fortesë kryesore e ISIS në Siri.
 
Këto janë sulmet e para kundër grupimit terrorist në brendësi të vendit qysh kur Presidenti amerikan Barack Obama deklaroi se ishte i gatshëm ta shihte vendin e tij në sulme anti-ISIS, përtej Irakut.
 
Të gjithë aleatët që po marrin pjesë në sulme në krah të SHBA, deri më tani, janë vetëm vende arbe. Vende si Bahreini, Arabia Saudite, Emiratet e Bashkuara dhe Jordania po kryejnë sulme ajrore në territorin sirian. Ndërsa mësohet se ndihmë po jep dhe Katari, dhe pse ende nuk është konfirmuar nëse po vepron neë aspektin ajror.
 
SHBA dhe aleatët kanë filluar sulmet ndaj forcave të ISIS duke përdorur avjonë luftarak, bombardues dhe raketa Tomahok. Dhe pse nga Pentagoni ende nuk jepen detaje të imta mbi objektivat, një zyrtar ushtarak i SHBA ka deklaruar se në plan është sulmimi i qendrave nevralgjike të ISIS, duke përfshirë këtu qendrat e komandimit, korridoret e furnizimeve dhe qendrat stervitore. Raketat Tomahok po lëshohen nga deti duke u ndjekur nga sulme të njëpasnjëshme nga ajëri me avjonë ajër-ajër dhe bombardues.
 
Pavarësisht deklaratave të Pentagonit, sipas burimeve në brendësi të sirisë raportojnë se dëri më tani në Raqqa janë goditur nga forcat amerikane një postbllok, një qendër rekrutimi dhe një ndërtesë në zonat që dyshohen ku ndodhen komandaturat e ISIS.


 
(Në Foto: Objektivat e goditur nga forcat amerikane në territoret e kontolluara nga Kalifati Islamik)

Redaksia Online
(e.n/Shqiptarja.com)