Siriani Abdul Hamid Youssef  që humbi dy binjakët në sulmin kimik deklaroi se ka humbur të gjithë familjen në këtë sulm. Youssef thotë se ai humbi 25 pjesëtar të familjes. 
 
Ai tha për CNN se u përpoq ti shpëtonte ata.
 
“Unë shkova tek shtëpia e prindërve, u përpoqa të ndihmoj fillimisht vëllain, por ai ishte martirizuar në vend. Shkova pastaj tek vëllai i dytë Karim, ai kishte vdekur gjithashtu. Shkova të shikoja fëmijët e mi por edhe ata ishin martirizuar. Ata nxirrnin shkumë rreth gojës. Ata ishin të gjithë në dysheme.  E gjithë familja iku, dy fëmijët Ahmad and Aya dhe gruaja,,, të gjithë u martirizuan, dy vëllezërit fëmijët e tyre dhe kushërinjtë., pra 25 pjesëtar të familjes sime”, u shpreh siriani.
 
Ai ka fjalë të forta për komunitetin ndërkombëtar si përgjigje ndaj luftës civile në Siri.
 
“Çfarë komuniteti ndërkombëtar është ky që nuk dëgjon njerëzit. A ekziston humaniteti ende?  Të gjithë liderët arab janë në gjumë, dhe Kombet e Bashkuara bëjnë atë që i përshtatet interesave të tyre., dhe Rusia ka interesat e saja me Bashar-in, tiranin e tyre. Fëmijët e mi nuk janë të parët që nuk janë martirizuar”, tha siriani në mesazhin e tij për komunitetin ndërkombëtar.

Ata ishin në mesin e më shumë se 70 persona të vrarë - duke përfshirë 20 fëmijë - në sulmin shkatërrues në qytetin verior të Khan Sheikhoun, ndodhur të martën.

Redaksia Online
B.B/Shqiptarja.com