POP 5

Lajmet më të lexuara të 5 minutave të fundit

Bota

Siri/ Me jelek anti-plumb, vizita e parë e zyrtarëve evropianë pas rënies së Assad, udhëheqësi sirian shtrëngon dorën me ministrin francez, por ministres gjermane i tund vetëm kokën (VIDEO)

Udhëheqësi sirian shtrëngoi dorën me ministrin e Jashtëm francez, por nuk bëri të njëjtën gjë me homologen gjermane Burbok, të cilën e përshëndeti me kokë, pasi ai vetë nuk shtrëngon duart me gratë për arsye parimore

SIRI - E pazakontë dhe mjaft e pakëndshme për Analena Burbok ishte pritja e saj nga udhëheqësi de fakto i Sirisë, Ahmad al-Sara, në Damask.

Al-Sara, i cili njihet si Abu Mohammed al-Jolani, mirëpriti ministrin e Jashtëm gjerman dhe homologun e saj francez Jean-Noel Barot në vizitën e parë të zyrtarëve evropianë në Siri që nga rënia e regjimit të Bashar al-Assad.

Al -Sara shtrëngoi dorën me Barot, por nuk bëri të njëjtën gjë me Analena Burbok, të cilën e përshëndeti me kokë, pasi ai vetë nuk shtrëngon duart me gratë për arsye parimore, gjë që kujton nevojën për të siguruar dhe mbrojtur të drejtat e grave, por edhe të pakicave nga regjimi i ri.

E vetëdijshme për këtë çështje duket se ka qenë ministrja gjermane, e cila nuk është dukur e habitur, pasi ka mbajtur duart të lidhura. Prandaj, çdo incident diplomatik midis Sirisë dhe Gjermanisë u shmang dhe vizita vazhdoi normalisht me sa duket.

Interesante e këtij takimi ishte dhe veshja e jelekëve anti-plumb nga zyrtarët evropianë. Përpara se të nisnin vizitën, ministrat u pajisën me jelekët anti-plumb nga ana e ushtrisë siriane që fitoi luftën me Assad. 

Megjithatë, pritja e përgjithshme e dy ministrave konsiderohet miqësore për të dhënat e al-Sara, theksojnë mediat e huaja.

Analena Burbok u përshëndet pa një shtrëngim duarsh edhe nga zyrtarë qeveritarë de fakto, të cilët vendosën një dorë mbi zemër, duke provokuar gjithashtu komente për mënyrën se si sunduesit aktualë të vendit sillen me gratë. 
 

 

G.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fiku: 03/01/2025 20:49

    Ky lideri sirian si Fidel Kastro Zelenski duket.

    Përgjigju
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Blinken vizitë në Korenë e Jugut, në mes të krizës politike në vendin aleat

Blinken vizitë në Korenë e Jugut, në mes të krizës politike në vendin aleat

5 Janar, 22:10