BEJRUT, 9 tetor /ATSH-AFP/ - Xhihadistët e grupit të Shtetit Islamik morën nën kontroll më shumë se një të tretën e Kobanes, qyteti kurd sirian në kufi me Sirinë, sipas një OJQ-je.
"Pavarësisht rezistencës së vazhdueshme të forcave kurde, Shteti Islamik avancoi gjatë natës dhe arriti të pushtojë më shumë se një të trewtën e Kobanes", konfirmoi drejtori i Observatorit sirian për të Drejtat e Njeritu (OSDH) Rami Abdel Rahmane.
"Xhihadistët kanë pushtuar ndërtesën e Assayech (forca e sigurisë kurde) në verilindje të qytetit. Gjatë luftimeve, një shef i Assayech, Sido Jammo dhe disa persona të tjerë janë vrarë", shtoi ai.
Sipas OSDH-së, Shteti Islamik po i afrohet asaj që quhet "katrori i sigurisë", në verilindje, ku ndëdhen ndërtesat zyrtare dhe komanda e Njësive për mbrojtjen e popullit (YPG, milicia kurde).
Xhihadistët kanë marrë një pjesë të madhe të lagjeve në lindje dhe po drejtohen drejt perëndimit.
Që prej ditës së hënë, kur xhihadistët kanë hyrë në Kobane, qyteti i tretë kurd në Siri është bërë skenë e luftimeve të dhunshme por raporti i forcave është i disfavorshëm për kurdët pasi Shteti Islamik posedon automjete të blinduara dhe armë të sofistikuara", theksoi OJQ./
/ec/ a.jor.