Annan do të largohet në fund të gushtit pas një pune gjashtëmujore. Ai tha se plani i tij i paqes për Sirinë u bllokua dhe u shkatërrua nga Këshilli i Sigurimit të OKB.
Diplomatët ruajtën anonimitetin edhe për Reuters por thanë se Brahimi, i cili ishte i pavendosur për disa ditë me radhë për këtë vendim, gjithsesi vendosi ta pranonte propozimin e bërë nga OKB. Sekretari Përgjithshëm, Ban Ki Moon, duket sikur nuk është shumë i kënaqur për zëvendësimin e Annan por kjo ishte një zgjedhje alternative.
Ende nuk është shumë e qartë se kur do të bëhet prezantimi zyrtar i Barhimit si ndërmjetësuesi ndërkombëtar në Siri. Brahimi është 78 vjec dhe është ish-Ministër i Jashtëm i Algjerisë. Ai ka qenë një diplomat prej dekadash, ka shërbyer si i dërguari i OKB në Irak, Afganistan, Haiti dhe në Afrikën e Jugut.
(sç/shqiptarja.com)