S’ishte për motin! Balona spiune kineze ka mbledhur informacione të ndjeshme nga bazat ushtarake amerikane

SHBA- Balona kineze e spiunazhit e pikasur në qiellin amerikan në fund të janarit nuk humbi, siç ishte për shërbime meteorologjike, siç ka pretenduar Pekini, por ka mbledhur informacione për disa site ushtarake amerikane, veçanërisht në Montana. Këtë e pretendon Nbc NeWs , duke cituar burime në administratën e Joe Biden.

Referuar të njëjtave burime, thuhet se Kina ishte në gjendje të kontrollonte balonën në mënyrë që të mund të bënte kalime të shumëfishta mbi disa prej vendeve dhe të transmetonte informacionin e mbledhur në Pekin në kohë reale. Inteligjenca e mbledhur nga Kina ishte kryesisht nga sinjalet elektronike, të cilat mund të merren nga sistemet e armëve ose të përfshijnë komunikime nga personeli i bazës, në vend të imazheve.

Balona hyri në hapësirën ajrore amerikane mbi Alaskë më 28 janar, sipas administratës së Biden, e cila tha se po e gjurmonte. Ajo po fluturonte mbi Montana - veçanërisht Bazën e Forcave Ajrore Malmstrom, ku SHBA ruan disa nga asetet e saj bërthamore. Pekini tha se ishte për motin dhe që kishte kaluar gabimisht në SHBA, por një tezë e tillë nuk u pranua kurrë nga SHBA.

B.K./Shqiptarja.com

TAG:
• balona kineze
• SHBA
• Kine