POP 5

Lajmet më të lexuara të 5 minutave të fundit

Bota

Sistemi shëndetësor në krizë, Europa po mbetet pa mjekë

Është një krizë që po përsëritet kudo në Europë, ku së fundmi, ka prekur dhe një zonë të vogël rurale në Francë, Le Vigan e cila mund të humbasë qendrën e  vetme mjekësore që ka sepse nuk rekruton dot staf të ri për të zëvendësuar mjekët e dalë në pension.

Sistemi shëndetësor në krizë, Europa po mbetet pa mjekë

Është një krizë që po përsëritet kudo në Europë, ku së fundmi, ka prekur dhe një zonë të vogël rurale në Francë, Le Vigan e cila mund të humbasë qendrën e  vetme mjekësore që ka sepse nuk rekruton dot staf të ri për të zëvendësuar mjekët e dalë në pension, raporton politico.

Ata kanë pesë vite që janë në kërkim të një zëvendësuesi, por askush nuk është ofruar të shkojë në këtë qytezë në jug të vendit, që me gjasë, do të kthehet në një tjetër “shkretëtirë mjekësore”, siç po etiketohen tashmë.

"Nuk e mendoja se do të kishte një mohim të tillë të mjekësisë rurale", tha Antoine Brun d'Arre, 59 vjeç, një nga mjekët e përgjithshëm vendas që ngriti qendrën.

Le Vigan, i cili ka një popullsi prej rreth 4,000 banorësh dhe ndodhet në një luginë në skajin jugor të një rajoni malor nuk është i vetmi qytet francez që po lufton për të punësuar mjekë.

Por niveli i sfidës me të cilën ajo përballet i ngjason shumë krizes emblematike që ka përfshirë të gjithë Europën ku mjekët janë ose shumë larg, ose shumë të paktë, ose shumë të vjetër.

Gati 7 milionë njerëz në Francë nuk kanë një mjek të përgjithshëm referues. Gjeografikisht, 30 për qind e popullsisë së vendit jeton në një rajon me akses të dobët tek mjekët e përgjithshëm, thotë studiuesi Guillaume Chevillard.

Tani ka më shumë mjekë të përgjithshëm në Francë që dalin në pension sesa të rinj që fillojnë të krijojnë praktikën e tyre në këtë fushë. Dhe problemi i kapercen kufijte e Francës. Më shumë se dy vite pandemi e lodhën personelin mjekesor, ndërsa menaxherët e kujdesit shëndetësor dhe qeveritë po përpiqen të mbledhin fuqi punëtore. Mungesa e punonjësve të kujdesit shëndetësor në Evropë, rreth 2 milionë, ndihet tashme në mbarë kontinentin, e po shtohen thirrjet për zgjidhjen e këtij ngërci, në në kundërt, problemi i mungesës së mjekëve, do të bëhet edhe më akut.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • mjek pergjithshem: 09/05/2023 19:04

    ka te ne plot . rroga e mjekut pergjithshem baraz me nje kamarier . kush punon mjek lagje eshte kot e punon kot . 7 perqind . 5000 mije leke shtese . me mire pa keto ka stresa social qe jane ne nevoje . tua jepte

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu