TIRANË- Godinat e reja të konvikteve janë një kartolinë mirë se ardhjeje për studentët e Universitetit Bujqësor të Tiranës në Kodër Kamzë. Ato janë transformuar në ambiente me kushte shumë herë më të mira, ku përfshihen dhoma komode, biblioteka, terrene rekreative etj. Në nisje të vitit të ri akademik, kreu i Bashkisë së Tiranës, Erion Veliaj, vizitoi rezidencat e reja studentore, të cilat sot ofrojnë të gjitha shërbimet për studentët.
“Kjo që ka ndodhur në Kodër-Kamzë është një mrekulli! Është një realitet krej ndryshe me çfarë trashëguam – degradimin dhe zaptimin e konvikteve. Sot, kur hyn në Universitetin Bujqësor, dëgjon zërat e fëmijëve që mësojnë në dy shkolla të reja, “Kennedy” dhe “Nënë Tereza”, kurse në konvikte ka oborre të brendshme dhe të jashtme, hapësira pedonale, stola, bibliotekë, dush në çdo dhomë. Mbaj mend kohët e vjetra kur kishte vetëm një dush në korridor, por edhe me orar. Në dhoma rrinin 8 apo 12 persona, me krevate marinari, kurse sot po flasim për dhoma dyshe. Duke pasur në secilën godinë edhe dhomën e kompjuterëve, edhe bibliotekën, ulet nevoja për të harxhuar kohë duke kërkuar një internet-kafe, apo duke një hapësirë të qetë për të lexuar. Të gjitha këto janë brenda konviktit”, tha Veliaj.
Ai u shpreh se godinat e reja nuk janë dhurata e vetme për studentët, pasi Bashkia e Tiranës do të subvencionojë me 50% tarifën e konviktit dhe do të japë falas abonenë e autobusit.
“Një nga detyrat tona, sidomos në këtë situatë të vështirë, ku inflacioni i luftës i ka rritur kudo çmimet - jo vetëm në vendin tonë, por edhe në të gjitha vendet e Bashkimit Europian dhe në botë, prej një xhelati psikopat, që ka filluar një luftë, e cila i ka çuar tregjet jashtë çdo logjike - na duhet ne, si bashki, të sjellim një logjikë, të paktën të ulim kostot e studentëve. Këtë javë do të kalojmë në Këshill Bashkiak përgjysmimin e kostos së konviktit; pra, 50% të faturës reale ta paguajë bashkia, ta mbajmë ne këtë barrë, jo studentët, që s’kanë asnjë faj, as për luftën, as për faktin që s’kanë shtëpi në Tiranë. Këtu ata vijnë si studentë dhe duke qenë se 9 nga 10 prej tyre do të bëhen qytetarët tanë të ardhshëm, është minimumi t’u japim një dorë që tani, e nesër, kur të dalin në punë, t’i japin ata një dorë qytetit”, tha Veliaj.
Kryebashkiaku theksoi se studentët do të marrin falas abonenë e transportit publik.
“Për të menaxhuar pasojat dhe rritjen e çmimeve prej luftës së një xhelati si Putin, ne do t’u heqim studentëve edhe koston e transportit. Çmimi i naftës, me gjithë çmenduritë e bursës, ka dalë prapë jashtë kontrollit. Ndoshta nuk financojmë dot gjithçka, por një vendim prioritar është heqja e kostos së abonesë së studentit. Në këtë situatë, aspak të lehtë për këdo, për familjet e thjeshta, për ata që janë në nevojë, nëse qeveria ka marrë përsipër të frenojë rritjen e çmimit të energjisë, pra ta subvencionojë atë, t’u rrisë ndihmën ekonomike, pensionin, pagesën e aftësisë së kufizuara atyre që janë shtresa më e prekur, për ne si Bashki e Tiranës, lind nevoja që shtresa tjetër më e prekur, që janë studentët, të ketë sa më pak dëm nga inflacioni i luftës dhe situata e jashtëzakonshme që po kalojmë. Duke përgjysmuar tarifën e konvikteve dhe duke subvencionuar 100% abonetë, kemi dhënë sadopak ndihmën tonë”, sqaroi Veliaj.
Komente
Lajme të tjera
-
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Tiranë/ Aksident i trefishtë në Sauk, një i plagosur! Report Tv siguron foto nga vendngjarja
17 Dhjetor, 17:09 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
"Martini u vra për herë të dytë, askush nuk merr përgjegjësi!' Prindërit e 14-vjeçarit letër ambasadës së SHBA e institucioneve shqiptare
17 Dhjetor, 14:15 -
Vrasja e Martin Canit, Apeli lë në burg 14 vjeçarin, nuk i ndryshon masën e sigurisë
17 Dhjetor, 14:09 -
Tiranë/ Vjen në jetë fëmija i parë me in Vitro te ‘Koço Gliozheni’ (VIDEO)
17 Dhjetor, 12:46 -
Rinas/ Ilaçe kontrabandë nga Jordania, arrestohen 5 kosovarët! Mbi 1 mln tableta në 14 çanta, përdoreshin edhe për përgatitjen e drogës! Kapen 300 mijë euro cash (EMRAT)
17 Dhjetor, 12:12 -
Kamëz/ Kërcënoi me armë zjarri një 16 vjeçar, arrestohet i mituri
17 Dhjetor, 11:08 -
Tiranë/ Goditet grupi i shpërndarjes së ekstazisë, 4 gazetarë të arrestuar! Mes tyre djali i Naim Nokës, pronari i portalit 'Publik.al'! Në zyra gjenden pajisje për prodhim droge (VIDEO+EMRAT)
17 Dhjetor, 09:52
Hajnat bëhen zemergjër para zgjedhjeve të radhës, sa të pështirë që jané
Përgjigju