Situata ekonomike në vend, Basha: 
E rënduar, rënie në shifra rekord

Kryetari i Partisë Demokratike Lulzim Basha e konsideron si shumë të rënduar situatën ekonomike në të cilën po kalon vendi.

Në një postim në rrjetin social “Facebook”, Basha shkruan se, situatë është shumë e rënduar dhe këtë e faktojnë edhe raportet e publikuara së fundmi të cilët thonë se besimi i biznesit dhe konsumatorëve është në rënie historike.

Ai shton se me ardhjen në pushtet të PD-së, hapi i parë do të jetë dalja nga kriza Rama dhe nxjerrja e shqiptarëve nga varfëria, ulja e taksave, tarifave dhe faturave që do ti kthejë shqiptarëve dhe ekonomisë 1 miliard euro çdo vit.

Ja statusi i plotë i Lulzim Bashës në Facebook
Renia e besimit te biznesit dhe konsumatoreve ne nivele rekord poshte mesatares historike...ky eshte lajmi i fundit qe permbyll nje jave raportesh dramatike. Banka Boterore, Freedom House, Dhoma Gjermane e Tregetise, Departamenti Amerikan i Shtetit, Shoqata e Investitoreve te Huaj dhe se fundi Anketa e Bankes se Shqiperise konfirmojne ate qe cdo shqiptar perjeton dhe ndjen perdite: perkeqesimin, thellimin e krizes, renien ekonomike. Por Rama, Koco, Beqja dhe Ahmetaj me shoke, keta shkaktare te ketij perkeqesimi qe per vete kane grabitur mbi 1 miliard euro me taksa te larta e korrupsion ne tendera dhe koncesione, nuk duan tja dine, nuk duan ta shohin, nuk duan ta degjojne.
Hapi i pare ne programin tone per daljen nga kriza Rama dhe nxjerrjen e shqiptareve nga varferia eshte ulja e taksave, tarifave dhe faturave qe do ti ktheje shqiptareve dhe ekonomise 1 miliard euro cdo vit. Liri per te punuar, prodhuar dhe ndertuar mireqenie per cdo shqiptar. Mbeshtetje dhe jo terror ndaj biznesit dhe fermereve. Investime publike qe ndihmojne ekonomine dhe hapin vende te reja pune me paga me te mira. Bashke do te ndertojme nje ekonomi te forte dhe nje te neserme te sigurte per te gjithe. Por se pari te largojme me vote te lire regjimin e korruptuar te gangstereve dhe plackitesve.

Redaksia Online
(F.T/shqiptarja.com)