Ish-deputetja e LSI Kejdi Mehmetaj ka reaguar për situatën e krijuar në Ballsh, duke hedhur akuza ndaj kryeministrit Edi Rama. Sipas saj Rama gënjen kur thotë se Rafineria e Ballshit është e degraduar, dhe se shteti nuk ka asnjë përgjegjësi kundrejt Rafinerisë dhe punonjësve të saj.
"Edi Rama-Gënjeshtari patologjik! Edhe kush nuk i dëgjoi mbrëmë ulërimat gënjeshtare të Edi Ramës gjatë emisionit ‘Opinion’, me siguri ka shikuar nëpër lajme e rrjete sociale veprimet e tij të lajthitura që u bënë virale. Ndër lumin e gënjeshtrave që ai tha dje, dua të veçoj ato drejtuar Rafinerisë së Ballshit kur prej dy javësh naftëtarë burra e gra janë futur në grevë urie.
Për këdo që nuk e njeh situatën në Rafinerinë e Ballshit duhet të dijë se Kryeministri gënjen kur thotë se ajo është e degraduar, gënjen kur thotë se shteti nuk ka asnjë përgjegjësi kundrejt rafinerisë dhe punonjësve të saj, gënjen kur thotë se ata nuk i duan pagat sociale. Ajo që duhet të kuptojmë të gjithë është vjedhja e korrupsioni masiv që oligarkët e Edi Ramës kanë bërë në kurriz, jo vetëm të naftëtarëve, por të gjithë shqiptarëve.
Disa herë është shpjeguar publikisht se gjatë privatizimit të ARMO-s shteti shqiptar mbajti rreth 15% të aksioneve pikërisht për të ruajtur interesat kombëtare sa i takon rafinerisë si aset por njëkohësisht edhe punonjësve. Disa herë publikisht naftëtarët kanë shpjeguar se kanë fituar me gjyq të drejtën për të marrë pagat e prapambetura e për zbatimim e këtyre vendime të gjykatës duhet të sigurohen institucionet shtetërore (si përmbarimi). Disa herë publikisht naftëtarët kanë deklaruar se kur kanë vajtur në zyrat e punës për të kërkuar “pagat sociale” që përmend Edi Rama, u është thënë se ata figurojnë të punësuar. Disa here, naftëtarët publikisht kanë kërkuar të drejtat që u vijnë si rrjedhojë e Statusit të Naftëtarit që qeveria refuzon t’jua njohë.
Nga ana tjetër rafineria nuk është e degraduar, ama degradimi i rafinerisë dhe mos vendosja e saj në punë i intereson oligarkëve të Edi Ramës. Së pari që ta përdorin duke mos i paguar asnjë detyrim shtetit e punonjësve e së dyti për të futur në tregun shqiptarë naftën me çmimim më të lartë e abuzues në rajon", shkruan ajo.
Ajo i bën thirrje Ramës që t'u përgjigjet naftëtarëve.
"Edi Rama që as nuk di e as nuk do të mësojë, sepse për të parësor janë interesat e xhepave të tij, të lexojë raportet e të dëgjojë ekspertët se sa lehtësisht vendoset në punë rafineria. Edi Rama i oligarkëve tu shpjegojë shqiptarëve se çfarë po bëhet me Albpetrolin, vendburimet e saj e punën që bën për nxjerrjen naftës. Kështu edhe qytetarët do e kenë të qartë skemën gjigande të korrupsionit që luhet në sektorin e naftës.
Mjaft me mashtrime, Edi Rama tu përgjigjet naftëtarëve, jo për keqardhje, por sepse e detyron ligji. Tu përgjigjet naftëtarëve se do jet përjetë në turpin e tij e të Partisë Socialiste që nga njëra e Fierit harxhohen miliona euro për një incenerator të panevojshëm i cili ende nuk është vendosur në punë e nuk ka fare të punësuar, e nga ana tjetër lihen pa bukë më shumë se 900 familje fierake e mallakastriote, familjarët e të cilëve ua kanë dedikuar jetën e tyre sektorit të naftës", shton ai.
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
E pa besushme del e flet vajza e hajdutit. Babai i ksa qelbësire dhëmb çakalle na del për të na treguar vërtetsin e pastërtin. Në një koh që i jati ksaj është mashtrus e hajdut ordiner po për ktë moonstër i jsti hajdut nuk quhet.
Përgjigju