Një ditë pas vrasjes së ushtarit ekstremist grek në Bularat në Gjirokastër, situata në shtetin fqinj është qetësuar pas një proteste të zhvilluar pasditen e djeshme. Gazetari Shpëtim Zinxhiria, në një lidhje direkte për Report Tv, ka thënë se gjendja në Athinë është e qetë dhe se ditën e djeshme, në protestë ka patur rreth 200 vetë, të cilët kanë manifestuar me flamuj grekë.
Qeveria greke doli në një deklaratë pa u mbyllur hetimit. Kjo nxorri Agimin e Artë direkt e në rrugë. Protesta u zhvillua me flamuj të Agimit të Artë, dhe ishte e qetë. Protesta kishte rreth 200 persona të pranishëm në shesh. S’ka patur asnjë reagim nga ambasada shqiptare në Greqi. Në Athinë s’ka konflikt, gjendja është e qetë. MPJ bëri një deklaratë për një vrasje të dyshimtë, që s’ishte e dyshimtë. Pse s’doli ministria kur u vranë 100 e ca emigrantë. Pse kjo ministri nuk ka reaguar më para, por flet sot pa u mbyllur hetimet.
Shpëtim Zinxhiria, gazetar
