Bora ka mbuluar fshatrat e qytetet në Dibër, duke dhuruar një panoramë mahnitëse. Reshjet kanë ndaluar këtë të hënë, por temperaturat mbeten të ulëta. Termometri gjatë natës shënoi -13° në Peshkopi. Bypass i Qafë Murrizës, në Rrugën e Arbrit është i hapur, por duhet treguar kujdes nga akulli në orët e mëngjesit dhe mbrëmjes.
Po kështu ngrica ka në aksi Peshkopi - Kukës, ndaj drejtuesit e mjeteve duhet te jene te pajisur me zinxhirë.
Rrugët e fshatrave janë të hapura në qarkun e Dibrës, me përjashtim të Lurës e cila është ende në izolim. Energjia elektrike është rikthyer në pjesën më të madhe të territorit. Në ndihmë të elektricisteve te Dibres kane shkuar 3 grupe nga Kavaja dhe Durrësi, për të përshpejtuar riparimin e defekteve.
Situata është normalizuar edhe në qarkun e Kukësit. Rruga e Kombit është e kalueshme pa zinxhirë. Është punuar nga kompania koncesionare për pastrimin dhe kriposjen e rrugës.
Te izoluar nga bora janë fshatrat malore Arrën, Zapod dhe Kalis, ku trashësia e borës shkon ne 20 centimetra. Po kështu mungon energjia në Topojan dhe Malzi.
Reshjet e dëborës janë ndërprerë dhe në Korçë, ku të gjitha rrugët nacionale janë të hapura. Dardha e Voskopja, fshatrat që tërheqin me qindra turistë janë të aksueshme me goma dimërore.
Me petkun e bardhë të borës janë veshur dhe fshatrat turistike të Librazhdit, Steblevë dhe Fushë-Studen. Pamje mahnitëse na vijnë dhe nga Ramza, fshat turistik i Malësisë se Madhe, mjaft i vizituar në dimër.
Shahin Nela, Durim Haxhia nga Shishtaveci dy elektricistët kanë sfiduar të ftohtin duke qëndruar në krye të detyrës pa orar në shërbim të komunitetit të Njësisë Administrative Shishtavec.
Dreka e tyre ishte jo si ditët e tjera të zakonshme, pas u ulën për të ngrënë në mes të dëborës! Mbrëmja e djeshme ishte një natë me stuhi dhe reshje dëbore intensive dhe temperatura të ulëta gjë që solli edhe probleme në rrjetin e shpërndarjes së energjisë elektrike.
Por Drejtoria Rajonale e OSHE Kukës angazhoi disa grupe ku ende pa orar po punohet për riparimet. Aktualisht fshatrat e njësisë administrative Shishtavec kane energji.
Pas dy ditëve me reshje intensive bore, situata nga moti i keq në Kukës është përmirësuar. Në Kukës borëpastrueset po punojnë për normalizimin e qarkullimit në rrugët e Shishtavecit si dhe në rrugën Kukës-Bishtricë.
ARRSH njofton se gjatë natës ka pasur reshje dëbore vetëm në Llogara. Siç bëhet me dije është punuar për pastrimin dhe shpërndarjen e kripës. Sipas ARRSH-së, qarkullimi vijon pa probleme në të gjitha akset nacionale.
‘Gjatë orëve të natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës. Temperaturat kanë qenë të ulëta, deri në -7 në zonat malore
Grupet e punës të mirëmbajtjes kanë punuar pa ndërprerje në të gjitha akset me prezencë dëbore për shpërndarjen e kripës me qëllim evitimin e ngricave. Qarkullimi vijon pa probleme në të gjitha akset nacionale.
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.’- njofton ARRSH.
Temperatura të acarta kanë përfshirë Dibrën. Termometri gjatë natës ka shënuar vlerat më të ulëta -13°. Në akset rrugore kombëtare nuk ka më dëborë por ka prezencë të akullit, ndaj drejtuesit e mjeteve duhet të tregojnë kujdes dhe të përdorin mjetet antirrëshqitëse.
Rruga e Arbrit është e kalueshme, por ka prezencë të akullit në orët e para të mëngjesit dhe të darkës. Mbrëmë është bllokuar sërish për më shumë se një orë, tek Hani, për shkak të ngricave. Prezencë të akullit ka edhe tek pishat e Bulqizës edhe pse rruga është kriposur.
Aksi Peshkopi - Kukës ka prezencë të akullit nga Sllova deri në Vasie, ndaj në orët e para të mëngjesit dhe të darkës duhet të përdoren zinxhirët.
Rrugët e njësive administrative janë hapur, po punohet për rrugën e Lurës, mjetet e bashkisë kanë nisur hapjen e rrugëve të fshatrave. Energjia elektrike është rikthyer në pjesën më të madhe të territorit, por ka ende njësi administrative dhe fshatra pa energji. Prej dy ditësh kanë punuar 6 grupe të OSHE dhe OST, në ndihmë të tyre kanë ardhur edhe 3 grupe nga Kavaja dhe Durrësi, për të përshpejtuar riparimin e defekteve të shkaktuar nga moti i keq. Mbrëmjen e djeshme është rikthyer energjia në qytetin e Bulqizës, por ka ende disa njësi administrative pa energji.
Fatmirësisht nga zonat e thella nuk ka pasur thirrje për emergjenca shëndetësore në 24 orët e fundit.
Situata e krijuar nga reshjet e bores në Mirditë ka nisur të përmirësohet. Fshatrat Xhuxhë dhe Lari në Njësinë Administrative Fan dhe si dhe Bardhaj dhe Kthelle e Epërm në njësitë Selitë kanë dalë nga izolimi, falë ndërhyrjes së Fadromave të Bashkisë Mirditë, të cilat kanë bërë të mundur zhbllokimin e rrugëve të këtyre fshatrave.
Ndërsa gjatë kësaj të hëne (27 nëntor) po punohet për hapjen e rrugëve në Njësinë Orosh, për të bërë të mundur lëvizjen e banoreve në fshatrat Ndërshen, Nënshejt dhe Lajthizë.
Emergjenca e krijuar nga moti i keq në Mirditë, vuri menjëherë në lëvizje bashkinë, ku në terren në zonat e thella malore zbriti vetë kryebashkiaku Alber Mëlyshi dhe falë këtij angazhimi situata u përballua me sukses.
Gjithashtu bëhet me dije se Operatori i Shpërndarjes së Energjisë Elektrike ka bërë të mundur riparimin e defekteve dhe rikthimin e energjisë në pjesën më të madhe të zonave ku kishte probleme.
Ndërkohë temperaturat e ulëta nën zero kanë sjell ngrica gjatë natës, ndaj dhe ju kërkohet banoreve që të shmangin lëvizjet e panevojshme dhe të sinjalizojnë emergjencat për çdo problematikë që mund të shfaqet.
Lajme të tjera
-
Mos harroni çadrat, sot reshje shiu dhe rrebeshe në gjithë vendin
22 Nëntor, 07:16 -
Mos harroni çadrat, sot reshje shiu dhe rrebeshe në gjithë vendin
20 Nëntor, 07:20 -
Diell dhe temperatura deri në 16 gradë celsius, parashikimi i motit për sot
17 Nëntor, 07:27 -
‘Reshje shiu në të gjithë vendin dhe temperatura deri në 15 gradë’ Anira Gjoni për Report Tv: Qarqet më të rrezikuara Gjirokastra dhe Vlora
14 Nëntor, 13:15 -
Nga nesër në mbrëmje reshje shiu, në veri të shoqëruara edhe me dëborë! Ulen temperaturat
11 Nëntor, 15:55 -
Parashikimi i motit për javën/ Ulen ndjeshëm temperaturat! E marta dita më e ftohtë! Të mërkurën fillojnë shirat
11 Nëntor, 07:39 -
E dielë me diell por kujdes, vishuni! Temperaturat janë ulur ndjeshëm deri në - 2 gradë Celcius! Shikoni hartën
10 Nëntor, 07:51 -
Diell dhe kthjellime, temperatura deri në 21 gradë celsius...parashikimi i motit për sot
9 Nëntor, 07:30 -
Kthjellime dhe temperatura deri në 22 gradë celsius, parashikimi i motit për sot
8 Nëntor, 07:26 -
Kthjellime dhe temperatura deri në 24 gradë celsius, parashikimi i motit për këtë javë
4 Nëntor, 07:29 -
Kohë ideale për të shijuar të dielën buzë bregdetit, parashikimi i motit për sot
3 Nëntor, 09:12 -
Dielli shkëlqen fundjavën, bëni plane të shëtisni me familjen
2 Nëntor, 07:33
