VIDEO/ Situata nga moti i keq, në Lezhë ende qindra hektarë nën ujë! Bllokohet nënkalimi i Fushë-Mamurrasit! Rama: Në monitorim të pandërprerë të situatës

Nisur nga situata e motit të keq në vend, kryeministri Rama ka ndarë disa foto nga punonjësit që do u vijnë në ndihmë banorëve në zonat e prekura.

Rama shkruan se janë të gatshëm t’u përgjigjen çdo nevojë të njerëzve.

“Në monitorim të pandërprerë të situatës së krijuar nga reshjet e fundit në disa zona të veriut

Të gatshëm të përgjigjemi për çdo nevojë të njerëzve.”- shkroi Rama.

Policia ka shtuar prezencën e uniformave blu në akset rrugore për shkak të reshjeve të shiut në të gjithë vendin me qëllim parandalimin e aksidenteve.

“Për shkak të motit të keq, në disa segmente rrugore ka prezencë të ujit dhe në këto kushte mund të rritet rreziku i përfshirjes në ngjarje rrugore.

Me qëllim parandalimin e aksidenteve rrugore, Policia e Shtetit ka rritur prezencën e shërbimeve të Policisë, në akset rrugore, duke monitoruar qarkullimin nëpërmjet makinave inteligjente, radarëve automatikë, mjeteve të tjera logjistike, si edhe me mjete të paloguara.

Policia Rrugore apelon për të gjithë drejtuesit e automjeteve dhe motomjeteve, që të respektojnë me rigorozitet sinjalistikën rrugore, të moderojnë shpejtësinë, të vendosin rripin e sigurimit dhe të mos përdorin celularin gjatë drejtimit të automjetit.

Drejtuesit e automjeteve dhe të motomjeteve të ndjekin dhe të zbatojnë me rigorozitet udhëzimet e Policisë Rrugore dhe të telefonojnë në numrin 112, për problematikat që mund të hasin gjatë udhëtimit të vështirësuar për shkak të motit të keq.”- thuhet në njoftimin e policisë.