Pas barazimit në Bjellorusi përballë ekipit të BATE-s Borisov ekipi i Skënderbeut është kthyer në Shqipëri duke u vendosur në kompleksin ‘Tropikal’ në Durrës për të vijuar përgatitjet për ndeshjen e kthimit që do të zhvillohet pas një jave në Korçë përballë bjellorusëve.

Ekipi ndodhet në një gjendje të mirë dhe duket se e ka fituar luftën psikologjike me ekipin e BATE-s, të cilët janë kritikuar shumë nga media vendase pas barazimit pa gola me ekipin kampion të Shqipërisë.

Mediat e Bjellorusisë ngrenë pikëpyetje për ecurinë e ekipit të BATE-s këtë edicion në Champions League, pasi ndeshja e kthimit do të zhvillohet në Shqipëri dhe ekipi rrezikon eliminimin. Por përveç ekipit rrezikon që të shkarkohet edhe trajneri. Por trajneri Josa bën thirrje të tijve se akoma nuk ka përfunduar asgjë akoma dhe se duhet një ndeshje mjaft e mirë për të mundur BATE-n në kthim.
 
Redaksia Online
(e.s/shqiptarja.com)