Skënderbeu miqësore luksi me 
ekipin e kualifikuar në Champions

Superliga shqiptare ka marrë pushimet dimërore për festat e fundvitit, ndërkohë që ekipet pritet të nisin fazën përgatitore në ditët e para të janarit. Në datën 3 janar, skuadra e Ilir Dajës do të grumbullohet në kompleksin “Tropikal” dhe pas 3 ditësh qëndrimi në Durrës do të udhëtojë drejt Turqisë për të vazhduar seancat stërvitore në Antalia. 

Në Turqi Skënderbeu do të qëndrojë 11 ditë dhe gjatë kësaj periudhe do të zhvillojë 3 miqësore luksi. Fillimisht korçarët do të sfidojnë skuadrën turke të Bursasporit më pas kampionët në fuqi të Turqisë, Beshiktashin me të cilët Skënderbeu është ndeshur edhe në fazën e grupeve të Europa League në vitin 2015-të, ndërsa miqësorja e fundit do të jetë ajo ndaj rumunëve të Viitorul./supersport.al/

Kalendari i miqësoreve të Skënderbeut:

8 Janar / Skënderbeu – Bursaspor

12 Janar / Skënderbeu – Beshiktash

15 Janar / Skënderbeu – Viitorul

Redaksia Online
l.q/Shqiptarja.com