Skandal në Maqedoni. Gazeta italiane “La Verita” ka publikuar një video ku shihet Bojan Jovanovski (Boki 13) dhe Zoran Milevski duke dalë me një valixhe me euro nga shtëpia e biznesmenit Orce Kamçev.
Në pjesën e parë të videos është filmuar numërimi i eurove, ndërsa në pjesën e dytë nga kamerat e sigurisë shihen duke dalë të dy personat e lartë përmendur nga shtëpia e biznesmenit maqedonas. Në pjesën e tretë, dëgjohet një bisedë mes Bokit13 dhe Kamcevit për atë se kur biznesmeni do të jetë i lirë, i cili ndodhet në arrest shtëpiak në pritje të gjykimit.
Veç videos është publikuar edhe një audio ku dëgjohet një bisedë mes personit që mori valixhen me euro dhe biznesmenit Orce Kamçev, ku këtij të fundit i premtohet se sipas marrëveshjes në orët e vona të së hënës deri të martën do lirohet.
Në bisedë përmendet si garante prokurorja speciale publike e vendosur nga ndërkombëtarët pas krizës politike në Shkup për të hetuar përgjimet që rrëzuan nga pushteti Gruevskin. Rasti i korrupsionit dhe shantazhet në Maqedoninë e Veriut përfshinë në një skandal të përmasave të mëdha krerët e gjyqësorit, si dhe disa politikanë e biznesmenë.
Komente
Lajme të tjera
-
DASH shpall non grata tre zyrtarë nga Ballkani, mes tyre ish kryeprokuroren e Posaçme të Maqedonisë dhe ish kryetarin e Kaçanikut në Kosovë
18 Mars, 16:34 -
Shqiptarët ndryshojnë historinë, tradhëtojnë Zaev për VRMO: Na presin sfida të forta, mirënjohës për mbështetjen
6 Nëntor 2021, 04:36 -
Çështja 'Reket', dënohet me 7 vite burg Katica Janeva, ish-kryeprokurorja Speciale në Maqedoninë e Veriut
18 Qershor 2020, 13:02
