Skandalet seksuale në Këln
Legida protesta ndaj Merkel

Në disa qytete gjermane janë mbajtur protesta nga partia e ekstremit të djathtë LEGIDA pas skandalit se 500 vajza janë ngacmuar seksualisht natën e ndërrimit të viteve nga emigrantët në Këln. 

Protestuesit mbanin në duar pankarta me mbishkrimet "Merkel, merr myslimanët e tu dhe largohu”. 



"Ajo që na ka zemëruar më shumë në javët e fundit është situata me të huajt dhe se si autoritetet po i trajtojnë atë. Unë dhe shumë të tjerë mendojmë se fundi do të jetë i keq", deklaroi një protestues. 



Por edhe vetë kancelarja gjermane Angela Merkel e ka kuptuar se Bashkimi Europian e ka humbur kontrollin mbi emigrantët.
 
"Tani të gjithë po përballemi me një të papritur, sfida e emigrantëve dhe ne jemi të pambrojtur, siç po e shohim. Ne ende nuk kemi rendin, kontrollin që ne do të dëshironim që të kishim. Ne gjithashtu duhet të intensifikojmë luftën kundër shkaqeve që i bëjnë njerëzit të largohen nga vendet e tyre ", deklaroi Merkel.

Kancelarja është nën presion për politikën e dyerve të hapura për emigrantët që ajo ka ndjekur, e sidomos pas sulmeve të natës së ndërrimit të viteve. Ajo ka premtuar se të gjithë emigrantët që do të shpallen fajtorë do të dëbohen nga Gjermania.



Redaksia Online
(u.s/shqiptarja.com)