X

POP 5

Lajmet më të lexuara të 5 minutave të fundit

Kronikë

Skandali me Greqinë, pas 15 vitesh rikthehen eshtrat në Kosinë të Përmetit, banorët heshtin për varrezën murale

15 vite pas skandalit të zhvarrosjes së eshtrave të banorëve të Kosinës nga një prift ortodoks, ato janë rikthyer në këtë fshat të Përmetit, ku janë ndërtuar dy varreza murale. Asokohe zhvarrimet u kryen me pretendimin se u përkasin ushtareve greke.

Dy varreza murale të pazakonta për traditën shqiptare, mbajnë të betonuara eshtrat e 108 banoreve të hershem të fshatit Kosinë në Permet. Katër punëtorë të cilët nuk deklarojnë se kush i paguan punojnë në varrezat publike të Kosinës për të sistemuar muralet.

Burimet thanë se janë rikthyer eshtrat e 108 personave që u zhvarrosën në 2006 me pretekstin se janë eshtra të ushtarëve greke të rënë në luftën italo-greke.  Një ditë më parë është kryer rivarrosja e eshtrave në një ceremoni të fshehtë larg syrit te mediave, ku morën pjesë Prefekti i Gjirokastrës, zyrtarë të Ministrisë së Brendshme dhe Konsulli grek. "Report TV" shkoi këtë të mërkurë në fshatin Kosinë, ku shumica e banorëve refuzojnë të flasin për këtë çështje.

"Unë jam i ardhur nuk flas dot", thotë një banor. "Nuk i dimë këto varret, unë kam ardhur vonë", shprehet një tjetër", "ata na thanë që do bëhet një varrezë masive greke, mirë apo keq, ata e bënë", thotë një tjetër banorë.

Jashtë kamerave, mësojmë se banorët i tremben ndonjë sugjestionimi nga autoritetet greke tek te afërmit e tyre janë emigrantë në vendin fqinj.

Kujtojmë se në qendër të këtij skandali ishte prifti At Vasil Themollari, i cili në vitin 2016 kreu zhvarrimet nga oborri i Kishës së Shën Mërisë. Asokohe pati reagime të shumta dhe u trajtua si një skandal, pasi zhvarrimet u kryen në mënyrë të paligjshme.  Tashmë pas 15 vitesh, duket se Greqia ka hequr dorë nga pretendimi se eshtrat i përkasin ushtarëve greke.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Interpelancë për emisionin e Rai-t, Rama: S'ka urgjencë për poshtërimin e radhës në parlament! Të mbarojmë punë me të vërtetën italisht, pastaj radha këtyre

Interpelancë për emisionin e Rai-t, Rama: S'ka urgjencë për poshtërimin e radhës në parlament! Të mbarojmë punë me të vërtetën italisht, pastaj radha këtyre

26 Prill, 13:08 nga Edi Rama