I pagoi qiranë një gjyqtari që favorizoi Berlusconin, kush është shqiptarja që mori 70 mijë euro nga ish-kryeministri italian (EMRI+FOTO)

Ish-kryeministri italian, Silvio Berlusconi dhe Julinda Llupo

Ish-kryeministri italian, Silvio Berlusconi dhe Julinda Llupo

Shqiptarja Julinda Llupo, 34 vjeç e lindur në Tiranë dhe banuese në Itali, në periudhën shkurt-tetor 2020, ka marrë 70 mijë euro nga ish-kryeministri Italian Silvio Berlusconi.

Nga këto para, 2500 euro raportohet se janë përdorur për të paguar qiranë e banesës së magjistratit Cosimo D’Arrigo, që më 2012 liroi Berlusconin nga gjyqi Mediatrade.

Kjo shumë parash i është dhënë shqiptares në 9 këste e ndaj të cilës Zyra e Antiriciklimit të Banka Italia ka hapur një dosje hetimore duke e konsideruar si një depozitim të pakuptimtë.

Më 27 shkurt 2020 ka nisur transferta e parë bankare. Pagesat ishin të rregullta. Në të njëjtin muaj janë dërguar edhe transferta të tjera për persona të ndryshëm.

Gruaja shqiptare e pyetur nga gazetarët nuk ka shpjeguar arsyen e këtyre dhuratave. Informacioni i mbledhur sqaron se ajo është aksionerja e vetme e një kompanie: L3L-Co, aksionet e së cilës iu shitën nga partneri i saj disa muaj më parë. Një kompani e specializuar në Bed & Breakfast.

Nga hetimi i gazetës Domani raportohen edhe reagimet e të interesuarve dhe avokatëve të Berlusconit. Vajza dhe bashkëshortja e tij nuk kanë dashur të shpjegojnë historinë, ndërsa shoqëruesit e Berlusconit sqarojnë se Llupo nuk është e përfshirë në gjyq.

Nga ana tjetër, magjistrati pretendon se nuk di asgjë për marrëdhëniet mes Llupos dhe Berlusconit dhe se ka ndërgjegje të pastër.

 

Shqiptarja Julinda Llupo

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e organizoi Shqipëria finalen e Conference League?



×

Lajmi i fundit

John

Regjimenti Azov të cilësohet si rrjet terrorist, Gjykata e Lartë ruse shtyn seancën