Skanimi zbulon 700 kg drogë shoferi i lirë, në kërkim pronari
Policia e qytetit bregdetar ka sekuestruar 700 kg kanabis në port me destinacion Italinë. Droga u zbulua pas skanimit të kamionit, i cili ishte i ngarkuar me konfesione. VIDEO FOTO
Durrës-Policia e qytetit bregdetar ka sekuestruar 700 kg kanabis në port me destinacion Italinë. Droga u zbulua pas skanimit të kamionit, i cili ishte i ngarkuar me konfesione.
Droga ishte fshehur në kamionin me targa AA 475 LO, me drejtues shtetasin me inicialet L.S.
Mjeti u konsiderua me risk duke e futur në skanim dhe gjatë kontrollit të ushtruar në vijën e dytë u zbulua edhe lënda narkotike që ishte fshehur në brendësi të ngarkesës.
Sasia e kanabisit ishte e ndarë në 497 pako me peshë rreth 700 kg.
[gallery]19894[/gallery] Fillimisht policia kufitare ka ndaluar drejtuesin e kamionit, por pas dëshmive ai u la i lirë dhe u shpall në kërkim pronari i firmës së konfesioneve, 51 vjeçari me inicialet K.Z. nga Shkodra.
Destinacioni i lëndës narkotike ishte tregu italian, ndërsa përpos vijimit të punës për arrestimin e pronarit të firmës së konfesioneve, policia vazhdon punën për zbardhjen e rrjetit të trafikut.