VIDEO
Në 21 gusht të këtij viti, atij iu bë një tjetër atentat për ta vrarë në një lokal pranë ish Parkut të autobusave, por 34-vjeçari arriti të shpëtojë. Pata kishte vetëm pak ditë që kishte dalë nga burgu dhe plumbi e ka kapur në vesh.
Në vitin 2009, Nelgert Pata dhe babai i tij Astrit Pata janë dënuar me 31 vite burg nga Gjykata e Krimeve të Rënda, për shfrytëzim prostitucioni. Babë e bir u arrestuan në vitin 2006 pas një letër-porosie të mbërritur nga Norvegjia, ku shtetasja me iniciale Silvana. K me orgjinë nga Memaliaj, i akuzonte për trafikim dhe shfrytëzim prostitucioni. Ajo rrëfimin e saj para autoriteteve norvegjeze, thoshte se ishte mashtruar nga Astrit Pata për martesë dhe fillimisht e kishte dërguar në Greqi. Më pas, Nelgert Pata e kishte trafikuar drejt Norvegjisë, por ajo ka arritur të shpëtojë. Gjithashtu Nelgert Pata bashkë me babain e tij janë akuzuar se në tetor të vitit 2005 kanë trafikuar një tjetër femër. Ajo është shtetasja me inicialet A. N dhe kishte një fëmijë të vogël. Për të dyja këto raste ata janë dënuar nga Gjykata e Krimeve të Rënda, ku Nelgert Pata ka vuajtur 10 vjet burg.
Burime nga policia bëjnë me dije se Nelgert Pata ka lidhje edhe me vrasjen e Elton Çiços, në datën 1 maj në një lokal në ish-Bllok. Për shkak të njohjes që ai ka pasur me autorët e këtij krimi, Policia dyshon se 34-vjecari ka ndihmuar nga burgu Renato Milloshin dhe Jani Aliaj, dy autorët e vrasjes së Elton Çiços.
Redaksia Online
l.q/Shqiptarja.com
