POP 5

Lajmet më të lexuara të 5 minutave të fundit

Ekonomi

Skema e re, kredi e lirë për biznesin e vogël dhe të mesëm! Do të përdoret për investim

Bizneset e vogla dhe të mesme do të marri kredi me norma interesi të favorshme pranë bankave tregtare. Banka e Shqipërisë ka miratuar programin e ri që synon rritjen e financimit për këto kategori biznesi, ku synohet që kredia që ato do marrin për investim të jetë më e ulët sesa ka qenë gjatë viteve të kaluara.

Kreditë këtë vit do të kushtojnë më pak për bizneset mikro, të vogla dhe të mesme. Banka e Shqipërisë ka hartuar një program për mbështetjen me financim të këtyre bizneseve përmes kredive bankare me norma të favorshme interesi, por me kusht që kjo hua do të përdoret vetëm për investime në biznes.

Ky program i miratuar nga Këshilli Mbikëqyrës i Bankës së Shqipërisë, do ju japë mundësi bankave tregtare të marrin hua pranë bankës qendrore me interes më të ulët se norma baze e interesit që aktualisht është 2.75%.

Pra bankat do të marrin likuiditet tek Banka e Shqipërisë me kosto më të ulët se zakonisht me qëllim që këto fonde ti përdorin vetëm për financimin e këtyre bizneseve.

“Kostoja e kredive të lëvruara nën këtë program duhet të jetë nën normat afatgjata aktuale të kreditimit të Biznesit të Vogël dhe të Mesëm”, thotë Banka e Shqipërisë.

Përgjatë vitit të shkuar norma e interesit për kreditë deri në 35 milionë lekë që janë kryesisht hua që i merr biznesi i vogël ishte 7.7%, dhe synimi është që interesi të jetë nën 4% përmes këtij programi të ri.

Duke reduktuar kostot për likuiditetin që bankat e nivelit të dytë marrin pranë Bankës së Shqipërisë synohet të rritet aksesi në financim për bizneset mikro, të vogla dhe të mesme. Kjo është edhe kategoria e bizneseve që ka më të vështirë të tërheqë një kredi, për shkak të likuiditetit që u mungon këtyre ndërmarrjeve.

Përfitues të kësaj skeme të re financimi pritet të jenë edhe bizneset që operojnë në sektorin e bujqësisë që kanë edhe vështirësinë më të madhe për të marrë kredi për shkak të problemeve dhe pasigurisë që kanë për ecurinë e aktivitetit të tyre.

Në total gjatë 11-mujorit të vitit të kaluar kredia e re e dhënë për ekonominë nga bankat ishte 331.9 miliardë lekë nga 273.7 miliardë lekë që ishte në të njëjtën periudhë të vitit 2023.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Ylli Pata: 'Operacioni Beleri 2'/ Hisenë e kujt kërkon Vangjel Dule në Vlorë?

Ylli Pata: 'Operacioni Beleri 2'/ Hisenë e kujt kërkon Vangjel Dule në Vlorë?

18 Janar, 21:17 nga Ylli Pata