POP 5

Lajmet më të lexuara të 5 minutave të fundit

Sociale

'S’kemi pse t’i çojmë fëmijët me makinë' Të hënën nis viti shkollor, Veliaj i kërkon ndihmë prindërve: 10-15 minutësh mund të ecësh

Dy ditë para nisjes së vitit të ri shkollor, kryebashkiaku Erion Veliaj kërkon ndihmën e prindërve

Në prag të nisjes së vitit të ri shkollor, kryetari i Bashkisë së Tiranës, Erion Veliaj kërkon bashkëpunimin e qytetarëve. E që dita e hënë të kalojë sa më mbarë prindërit duhet t’i shoqërojnë fëmijët e tyre për në shkollë në këmbë dhe jo me makinë, për të shmangur trafikun që mund të krijohet. 

S’kemi pse t’i çojmë fëmijët me makinë. Moti është i mirë, rrugën e bën për 15 minuta në këmbë. Fakti që janë regjistruar vetëm fëmijët e rrugëve përreth, do të thotë që shkolla nuk është më larg se 500-600 metra. Atë 10-15 minutësh mund të ecësh me fëmijën, ta sjellësh në shkollë duke i bërë një bisedë për ta inkurajuar, për ta uruar në ditën e parë të shkollës. S’keni pse ta mbyllni në një ‘burg’ prej metali e të rrini në trafik. Imagjinoni sikur për 170 mijë nxënës që ka Tirana, të dalin të gjithë me 170 mijë makina, ne do shkojmë në një kolaps total. Sikur në vend që të dalim me 170 mijë makina, të dalim me 170 mijë përqafime të prindërve e fëmijëve, ky do ishte vërtet një kontribut për qytetin”, nënvizoi Veliaj.

Gjimnazi Ismail Qemali në Tiranë ishte ndalesa e radhës e kryebashkiakut Erion Veliaj, në turin inspektues në prag të vitit të ri shkollor. Shkolla ku do të mësojnë 1500 gjimnazistë, pas ndërhyrjeve të fundit që po u bëhet, është gati për ditën e hënë.

"Mirëmbajtja duhet të jetë e vazhdueshme, po ashtu edhe higjiena. Kjo është një shkollë, të cilën e kemi rikonstruktuar plotësisht. Falenderoj drejtoreshën, stafin, administratorin e shkollës, që kujdesen që të ketë sa më pak amortizim. Kur në një shkollë mësojnë 1500 çuna e goca me një energji të  jashtëzakonshme, mund të përplaset ndonjë derë, e të prishet ndonjë bravë, por më vjen mirë që sjellja e nxënësve të “Ismail Qemalit” është shembullore. Po vendosim disa ndriçues LED, po kryejmë lyerjet e nevojshme, si dhe po bëjmë dezisektimin, dezinfektimin dhe deratizimin e shkollës, për t’u siguruar që higjiena është primare sepse leksionet që na dha Covid-i nuk i kemi vetëm për hall, por jemi gjithmonë të përgatitur. Kjo është detyra jonë”, u shpreh Veliaj. 

Kryebashkiaku tha se prindërit i kanë regjistruar fëmijët e tyre në shkollat pranë  banesës, pasi e kanë kuptuar se të gjitha shkollat e qytetit kanë kushte moderne dhe cilësi mësimore të njëjtë, si në qendër, ashtu edhe në periferi.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rreli: 10/09/2023 11:00

    Lali eri, po e di mie se sa justifikon nji prind per femin e vet,, po ti do i beshe ato 10 15 minuta ne kembe, shi ftohte, Dimer mbite gjitha, parandaj boll te flasesh budallalliqe me popullin. Se po talleni me ket popull...

    Përgjigju
  • Populisti: 10/09/2023 00:25

    O Lali Demagogu,po dhe mirë,po nuk ka Trotuare TironA, edhe ato që ishin si te rruga e Kavajes i bone gjoja Pista Ciklabile për Dyrrotakë?!...Shtriva rrugë me Asfalt elektoral si te Frosina Plaku e nuk prishe as një mur a veranda abusive...me hap pak cm Trotuar?!..i bie me ec Njeriut në rrugë Makine??!!

    Përgjigju
  • Lali: 09/09/2023 14:59

    Ne cilet trotuare te ecim? As ne qender nuk ka ne cdo rruge. Ne ca vende jane 1 pellembe te gjere, ne ca s'ka fare.

    Përgjigju
  • Turi: 09/09/2023 14:05

    Po mire ja po ecim, po ku te ecim ? I ke pare zoterote teotuaret kohet e fundit ? Aty ku egzistojne kutpohet.

    Përgjigju
  • Beni: 09/09/2023 14:04

    Lali eri ka te drejte. Leja i rruget betonierave dhe pasanikve me makina lluksoze. Populli i thjesht mund te eci ne kembe

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Ishin bllokuar mes borës në malin e Korabit, ushtria shpëton 3 banorë bashkë me tufën e kuajve

Ishin bllokuar mes borës në malin e Korabit, ushtria shpëton 3 banorë bashkë me tufën e kuajve

29 Nëntor, 10:22