Skenari ukrainas, Berisha: Nesër
në shesh. Rama të mos provokojë

TIRANE-  Deputeti i PD-së Sali Berisha fton popullin opozitar por edhe atë të zhgënjyerit nga qeverisja e kryeministrit Rama për t’u bërë pjesë e protestës antiqeveritare që është parashikuar të zhvillohet  nesër në sheshin "Skënderbej". 

Berisha tha se Rama po vendos me shpejtësi të rrufeshme monopolet dhe familjes dhe të klanit të tij dhe po e kthen Shqipërinë në Republikën e Skafeve.  Duke iu referuar “skenarit ukrainas” Berisha thotë se nëse Rama provokon bën gabim të madh.

“Nëse nuk ngrihemi për të vendosur dinjitetin tonë Shqipëria kurrë nuk do të ketë më zgjedhje të lira. Do të jenë thjesht panair i mashtrimit, do i fitojë ai që gënjen në shumë”- tha Berisha duke shtuar se si deputet është i vendosur të bëj gjithçka për rivendosjen e dinjitetit.

Për ish kryeministrin protesta nesër do të jetë më madhështore dhe zbulon detajin "Nuk e di a e kanë bërë dordolecin e Edi Ramës, por protesta do të jetë madhështore. "
 
BERISHA: RAMA TE MOS PROVOKOJE 
Duke iu referuar “skenarit ukrainas” Berisha shton se nëse Rama provokon bën gabim të madh.
”Demokratët e Ukrainës nuk kanë shkuar me një skenar dhune, por është provokuar nga forcat e ngjashme në pushtet. Opozita nuk shkon për dhunë. Ne nuk shkojmë për dhunë  i përbahemi rregullave, por nëse Rama provokon bën gabimin më të madh. Ne e kemi protestë paqësore është vetëm fillimi. "

"Shoh protestë masive, mijëra të rinj kanë ardhur që sot paradite tek njerëzit e tyre dhe jo vetëm të rinj. Zotimi është për të marrë pjesë të gjithë pjesëtarët e familjes, ka një vërshim sot Tirana po të kishte mundësi regjistrimi në darkë, mund tju them se ndofta Tirana sot është dyfishuar “- tha më tej Berisha.

“Berisha iu referua kryeministrit s’i “sëmur psiqik bipolar” që ka kthyer kryeministrinë në klinikë për t’u shëruar pasi “Është në fazat e avancuara të sëmundjes së tij. “

"Zotëria mendon si kryeministër kryeministria dhe shteti është pronë e tij. Ka 6 muaj që punon dhe gdhend zyra, hap klinika brenda kryeministrisë sepse e ka të rëndë të kurohet aty ku kurohen të tjerët. Po vendos me shpejtësi të rrufeshme monopolet dhe familjes dhe të klanit të tij."- tha Berisha.


BERISHA RIMENDOHET: LEGALIZIMET FALAS E SHENDETESI FALAS BEHEN 
Berisha duket se është rimenduar dhe për premtimet e PS-së, legalizimi falas dhe shërbimi shëndetësor falas që deri para zgjedhjeve të 23 qershorit thoshte s'bëhen tani thotë bëhen.
 
 “Une skam qenë për atë model por tani jam. Legalizimi falas bëhet. Shëndetësi falas bëhet nëse 7 % e buxhetit kalon për shëndetësinë. Do heqim tvsh e energjisë, të ushqimeve, legalizimeve falas”- tha Berisha. I pyetur si do hiqen? Berisha tha: Në opozitë do i heq populli 

BERISHA: OPOZITA NUK DO TA NJOHE REFORMEN TERRITORIALE  
Berisha tha se reforma territoriale ka qëllim elektoral dhe opozita nuk do të marrë pjesë dhe kurrë nuk do ta njohë. “Reforma territoriale kanë për qëllim elektorale. Kurrë nuk është vepruar pa opozitën. Kurrë nuk do ta njohë opozita atë reform.  Të mos presin asnjë minutë, sepse edhe atë e kanë formale. Kanë shkelmuar konsensusin.”

BERISHA: U DHA POSTE BURRAVE E GRAVE TE TIJ 
“U dha poste burrave e grave të tij. Burri i Belinës bëhet ministër. Burri i Lindës emërohet drejtor i rëndësishëm në një firmë të Ahmetit. Kryeministrinë e ka shtëpinë e Kristaqit”

BERISHA: KATANDISI SHQIPERINE SI TE ISHTE REPUBLIKA E SKAFISTEVE
Berisha thotë: "Vendimi i qeverisë për ndalimin e furgonëve taksi  ka për qëllim të fusë monopolin e Koços në transportin e furgonëve. Katandisi Shqipërinë si të ishte Republika e skafistëve.”

ARSYET SIPAS BERISHES PSE DUHET PROTESTUAR 
-Rama premtoi shëndetësi falas sot është më e shtrenjtë se kurrë

-Premtoi legalizime falas, por ka prishur qindra ndërtesa me leje

-Do hiqte tvsh e energjisë elektrike por ktheu faturën aforfe

-Premtoi se do ulte çmin e tvsh, por tvsh e ilaceve u vendos për të rritur cmimet, dhe nuk preku tvsh e çmimit të ushqimeve

-Premtoi rrogën e 13-të hoqi dhe shpërblimin e fundvitit.

-Gënjeu botën për armët kimike

-Është në fazat e avancuara të sëmundjes së tij


Redaksia online 
(sg/shqiptarja.com)