Autoritetet britanike të shëndetësisë kanë njoftuar se pasi u plagos rëndë në një sulm me agjent nervor në muajin mars në Angli, ish-spiuni rus Sergei Skripal është larguar nga spitali, raporton Anadolu Agency (AA).
“Është një lajm fantastik që Sergei Skripal është mjaft mirë për të dalë nga Spitali i Qarkut Salisbury”, tha drejtoresha e spitalit, Cara Charles-Barks, në një deklaratë pas më shumë se dy muaj që kur ndodhi sulmi.
“Ne kemi qenë në gjendje ta lëshojmë Sergei Skripal-in. Kjo është një fazë e rëndësishme në rimëkëmbjen e tij, e cila tani do të ndodh larg spitalit”, tha Lorna Wilkinson, drejtoreshë e infermierisë.
Ish-agjenti rus, 66-vjeçari Sergei Skripal dhe vajza e tij 33-vjeçare Yulia, u gjetën pa vetëdije në Salisbury të Anglisë dhe u dërguan në spital. Britania ka akuzuar Rusinë për helmimin e Skripal, gjë të cilën presidenti rus Vladimir Putin e mohoi kategorikisht.
“Zoti Skripal dhe vajza e tij u helmuan me një agjent ushtarak nervor të një lloji të zhvilluar nga Rusia, veçanërisht nga grupi Novichok”, tha kryeministrja britanike, Theresa May.
Skripal-it iu dha strehim në Mbretërinë e Bashkuar pas një shkëmbimi spiunësh të vitit 2010 midis SHBA-ve dhe Rusisë. Ai ishte dënuar për “tradhti të lartë në formën e spiunazhit” nga një gjykatë ushtarake e Moskës në vitin 2006 dhe u dënua me 13 vjet burg pasi kishte pranuar se rrjedh informacione për shërbimet sekrete britanike.
Julia Skripal, vajza e ish-spiunit rus, poashtu doli nga spitali i njëjtë në muajin prill. Nick Bailey, një oficer lokal i policisë i cili gjithashtu ishte prekur nga agjenti nervor duke dhënë ndihmën e parë për Sergei-n dhe Julia-n, doli më herët nga spitali.
Pasi autoritetet arritën në përfundim se Rusia me “shumë mundësi” ishte përgjegjëse për sulmin, 23 diplomatë rusë u dëbuan nga Britania e Madhe dhe mbi 120 diplomatë rusë në mbarë botën. Duke mbështetur Britaninë, NATO dhe BE-ja së bashku kanë dënuar sulmin.
Lajme të tjera
-
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Angli/ Pjesë e një rrjeti të shitjes së kokainës, 2 shqiptarët e arrestuar dënohen me rreth 8 vite burg në total! Kthyen banesën në bazë droge (EMRA+VIDEO)
15 Nëntor, 21:49 -
Banka Qendrore e Anglisë, thirrje për afrim me Bashkimin Evropian
15 Nëntor, 08:29 -
The Sun: Në tetor 2022 Putin për pak lëshoi raketë bërthamore në Ukrainë
12 Nëntor, 18:19 -
Liderja e re e konservatorëve në Britani premton 'të vërteta të hidhura'
3 Nëntor, 16:27 -
Angli/ E rëndë në Yorkshire! Vajza 10 vjeçare ndërron jetë pas plagëve nga sulmi i qenit të familjes
2 Nëntor, 22:44 -
Kemi Badenoch bëhet liderja e parë me ngjyrë e Partisë Konservatore në Britani
2 Nëntor, 15:36
