/ATSH-AFP/ - Të paktën 12 600 migrantë kanë mbërritur në Slloveni brenda 24 orëve të fundit, njoftoi sot policia sllovene duke iu referuar shifrave.
Ky numër është më i larti, që tejkalon edhe numrin e refugjatëve në Hungari, që përjetoi krizën më të rëndë në muajin shtator.
Mëngjesin e sotëm rreth 34 131 migrantë në total kanë hyrë në Slloveni që prej së shtunës, që korrespondon me datën e mbërritjes së këtij kontigjenti në këtë vend të vogël, kundrejt një numri prej 21 455 të një ditë më parë e regjistruar në po të njëjtën ditë, ose më saktë një shifër në rritje prej 12 676 personash në 24 orët e fundit.
Sllovenia, një shtet i vogël me dy milionë banorë, vlerëson se nuk ka kapacitetin e nevojshëm për akomodimin e këtij fluksi, ndërsa më shumë se 10 mijë migrantë priten mëngjesin e sotëm në territorin e saj me shpresën për të vijuar rrugën drejt Austrisë më pas Gjermanisë.