Astrit Patozi është konfirmuar tashmë si një prej kundërshtarëve të linjës Basha në PD, i cili s'ka kursyer as kritikat e ashpra në drejtim të kryetarit të vetëngrirë demokrat.  

Ai është duke zhvilluar lëvizjen e tij thuajse në gjithë qytetet e Shqipërisë për të mbledhur sa më shumë njerëz në grupin antiBasha dhe për të anuluar zgjedhjet e 22 korrikut.

Ndërkohë, në një postim në Facebook, Patozi tregon një SMS të një miku të tij, i cili i ka shkruar se "Partia Demokratike e ka gjetur njeriun që e fiton gjithmonë garën brenda partisë", shkruan Patozi, ndërsa shton se emrin e autorit nuk do ta bëjë publik, pasi sipas tij mund të ndikojë për të prishur paanësinë deri tani perfekte të Komisionit të Jemin Gjanës.

Postimi i plotë:

PSE NUK E TREGOJ AUTORIN E BATUTËS

Një miku im i paangazhuar në politikë më shkruante dje në WhatsApp: “Partia Demokratike e ka gjetur njeriun që e fiton gjithmonë garën brenda partisë. Tani i duhet të gjejë edhe një tjetër që të fitojë garën me partitë e tjera.”

Emrin e autorit nuk po e them sot për dy arsye. E para, se nuk e kam marrë lejen e tij dhe nuk e di nëse kjo do t’i pëlqejë.

Por më kryesorja, se kam frikë që kjo mund të ndikojë për të prishur paanësinë deri tani perfekte të Komisionit të Jemin Gjanës.

astrit patozi
(Postimi i Patozit në Facebook)

Redaksia Online
l.q/Shqiptarja.com