POP 5

Lajmet më të lexuara të 5 minutave të fundit

Bota

Sonda e Kinës kthehet në Tokë me mostrat e para nga pjesa e largët e Hënës

Sonda hënore e Kinës, Chang’e-6, ka zbarkuar të martën në Tokë, duke e bërë Kinën vendin e parë në botë që sjell mostra guri dhe dheu nga pjesa e largët e Hënës.

Sonda e Kinës kthehet në Tokë me mostrat e para nga pjesa e largët e Hënës

Flamuri kinez i mbartur nga sonda kineze "Chang'e-6" në Hënë

Sonda hënore e Kinës, Chang’e-6, ka zbarkuar të martën në Tokë, duke e bërë Kinën vendin e parë në botë që sjell mostra guri dhe dheu nga pjesa e largët e Hënës.

Sonda zbarkoi në veri të Kinës të martën pasdite, sipas kohës lokale.

Shkencëtarët kinezë parashikojnë se mostrat e marra nga Hëna do të përfshijnë gurë vullkanin 2.5 miliardë vjet të vjetër, si dhe materiale të tjera për të cilat shkencëtarët shpresojnë se do të ndihmojnë për t'iu përgjigjur pyetjeve rreth dallimeve gjeografike mes dy anëve të hënës.

Derisa misionet amerikane dhe sovjetike kanë mbledhur mostra nga pjesa e afërt e hënës, misioni kinez u bë i pari që grumbullon mostra nga pjesa e largët e saj.

Pjesa e afërt ajo që e shohin nga Toka, ndërsa pjesa e largët është e kthyer kah hapësira kozmike. Pjesa e largët njihet gjithashtu edhe për bjeshkë dhe gropa, për dallim nga pjesët kryesisht të rrafshëta që shihen në pjesën e afërt.

Sonda ishte nisur nga toka më 3 maj, ndërsa udhëtimi i saj zgjati 53 ditë. Sonda ka gërmuar në hënë dhe ka nxjerr gurë nga sipërfaqja e saj.

Mostrat “pritet të ofrojnë përgjigje për njërën prej pyetjeve më thelbësore në hulumtimet shkencore të hënës: çfarë aktiviteti gjeologjik është përgjegjës për dallimet mes dy pjesëve të saj?” tha Zongyu Yue, gjeolog në Akademinë e Shkencave të Kinës, në një komunukatë të lëshuar në Innovation Monday.

Në vitet e fundit Kina ka kryer misione të shumta me sukses në hënë, duke mbledhur mostra nga pjesa e afërt e hënës./ REL

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57