POP 5

Lajmet më të lexuara të 5 minutave të fundit

Sport

Sonte përcaktohen finalistet e Europa League, Atletico pret Arsenalin

Sonte mësohen edhe skuadrat finaliste të Europa League. Atletico pret Arsenalin në Madrid pasi ndeshja e parë u mbyll në barazim. Të dyja skuadrat duan të arrijnë finalen për të fituar trofeun. Ndërsa në duelin tjetër Marseja është favorite

Sonte në mbrëmje përcaktohen skuadrat finaliste të këtij edicioni të Europa League. Atletico Madrid-Arsenal është gjysmëfinalja e kthimit me më shumë interes që do të luhet në një atmosferë fantastike në stadiumin “Wanda Metropolitano”.

Takimi i parë ka përfunduar në barazim 1-1 por sa i përket kualifikimit çdo gjë mbetet e hapur. Me formacionin më të mirë të mundshëm do të luajnë të dyja skuadrat. Simeone do të bazohet tek dyshja Diego Costa-Griezmann në sulm për të arritur finalen dhe sqaron:

Na duhet një stadium që të shpërthejë dhe t’u paraqesë pasion lojtarëve. Kemi përpara një kundërshtar të rrezikshëm por do të jetë një duel i bukur dhe ne duam finalen.

Trajneri i Atletico Madrid, Diego Simeone

Në kampin e londinezëve duan këtë trofe për t”u përshëndetur me trajnerin Arsen Wenger. Edhe vetë francezi deklaron se do i pëlqente shumë ta mbyllte duke fituar Europa League ndërsa për duelin e sotëm nënvizon:

Duhet të kemi kujdes nga Diego Costa ndërsa Simeone është tashmë një trajner me eksperiencë.

Trajneri i Arsenal, Arsen Wenger

Finalistja tjetër do të dalë nga përballja Salzburg-Marsejë ku francezët e kanë fituar ndeshjen e parë 2-0 dhe janë favoritë për të kapur finalen e Lionit. Atletico Madrid-Arsenal dhe Salzburg-Marsejë luhen duke nisur nga ora 21:05.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

18 Dhjetor, 18:49