Bashkia e Tiranës rikthen sot, në 5 Maj, nismën “Dita pa Makina”, e cila synon ndërgjegjësimin e qytetarëve që të shmangin të paktën për një ditë automjetet e tyre, si ndotëset kryesore të ajrit.
Rrugët e kryeqytetit do të jenë pa makina për t’ia kushtuar të gjithë hapësirën këmbësorëve, ndërsa Bashkia e Tiranës ka organizuar aktivitete për të gjitha grupmoshat.
Për të garantuar mbarëvajtjen e aktiviteteve të shumta dhe për t’i dhënë mundësi qytetarëve që të festojnë qetësisht, Bashkia e Tiranës, në bashkëpunim edhe me Policinë e Shtetit, ka marrë të gjitha masat për kufizimin e qarkullimit të automjeteve në disa prej rrugëve.
Bashkia e Tiranes organizoi sot nje sere aktivitetesh perkujtimore dhe festive me rastin e 5 Majit, Ditës së Dëshmorëve ditë e cila përkoi edhe me Ditën pa makina. Qindra qytetarë dhe turiste te huaj iu bashkuan aktiviteteve, që u shtrinë nga Sheshi “Skëndërbej”, Bulevardi “Dëshmorët e Kombit” dhe deri në Parkun e Liqenit Artificial.
Në Sheshin “Skënderbej” banda frymore e qytetit ekzekutoi disa pjesë muzikore që evokonin luftën antifashiste, ndërkohë që nuk munguan edhe aktivitete për fëmijët si shfaqje teatrale nga Teatri i Kukullave. Ndërkohë që në Bulevardin “Dëshmorët e Kombit” u mbajt panairi i produkteve lokale, si dhe disa aktivitete të tjera sportive.
Në ditën pa makina Bashkia e Tiranës ka njoftuar devijimin dhe kufizimin e qarkullimit të automjeteve në disa prej rrugëve.
Sipas planit, kufizohet qarkullimi i automjeteve në segmentet e mëposhtme: Bulevardi “Dëshmorët e Kombit” në datë 05.05.2019 nga ora 08:00 deri në orën 17:00. Kufizime do të ketë edhe në Sheshin “Nënë Tereza”, nga data 05.05.2019 ora 00:00 deri në datën 06.05.2019 ora 00:00.
Ndërkaq, qarkullimi i automjeteve, mjeteve të emergjencës dhe Policisë së Shtetit do të bëhet në rrugët “Ibrahim Rrugova”, “Lek Dukagjini” dhe “Papa Gjon Pali II”.
Ndërkaq, mjetet e transportit urban të qytetit do të devijohen si vijon:
- Linja e Unazës do të devijohet në urën e rrugës “Sami Frashëri” me urën e rrugës “Elbasanit”.
- Linja “'Tirana e Re”, “Kopshti Zoologjik” do të devijohen te sheshi “Ëilson”, ura e Drejtorisë së Policisë.
- Linja “Kristali” do të devijohet te sheshi “Ëilson” dhe ish Stacioni i Trenit.
- Linja “Kinostudio-Kombinat”, do të devijohet tek Sheshi “Medresesë”, si dhe përballë kishës Ortodokse.
- Linja “Kashar” do të devijohet te “Kafe Flora”, Kisha Ortodokse.
- Linja “Megatek” dhe “Instituti” do të devijohen te “Kafe Flora”.
- Linja “Qyteti Studenti”, “Jordan Misja”, “Sauk”, dhe “Sanatorium” do të devijohen te Fakulteti Ekonomik.
- Linja “Mihal Grameno” do të devijohet te ura pranë rrugës së “Elbasanit”.
- Linja “Materniteti i Ri” do të devijohet te ura pranë rrugës së “Elbasanit” dhe kishës Ortodokse.
- Linja “Sharra” do të devijohet tek ish Stacioni i Trenit, si dhe përballë kishës Ortodokse në rrugën e “Kavajës”.
- Nga ora 00:00 deri në orën 08:00 e datës 05 Maj dhe nga ora 17:00 deri në orën 00:00 linjat “Tirana e Re” dhe “Kopshti Zoologjik” do të kthehen te Blv. “Dëshmorët e Kombit” dhe do të stacionohen te hotel “Rogner”.
Lajme të tjera
-
Rikthehet 'Tirana pa makina', aktivitete në qendër të kryeqytetit! Ja si ndryshon qarkullimi i mjeteve
5 Maj, 07:19 -
Nesër ‘Dita pa makina’ në Tiranë, ja si ndryshon qarkullimi i automjeteve
4 Maj, 22:27 -
Rikthehet nesër 'Tirana pa makina', Veliaj: Një ditë e mbushur me kërcim, sport dhe plot aktivitete të tjera
4 Maj, 11:46 -
E diela pa makina në Fier, ja rrugët ku policia ndalon qarkullimin për automjetet
4 Shtator 2022, 09:43 -
E diela e parë e muajit gusht, sot dita pa makina në të gjithë vendin! Ja akset ku do kufizohet qarkullimi i mjeteve
7 Gusht 2022, 08:59 -
Sot dita pa makina në Tiranë, ja si do të bëhet lëvizja e automjeteve
19 Qershor 2022, 07:56 -
E diela e parë e muajit qershor, sot dita pa makina në të gjithë vendin! Ja akset ku do kufizohet qarkullimi i mjeteve
5 Qershor 2022, 09:14 -
FOTOT/ Qytetarët i bashkohen të dielës pa makina në Tiranë, dhjetëra aktivitete në rrugët e qytetit
15 Maj 2022, 13:02 -
Sot dita pa makina në Tiranë, ja si do të bëhet lëvizja e automjeteve
8 Maj 2022, 09:22 -
E diela pa makina, Vlora dhe Saranda braktisin nismën, vijon qarkullimi normalisht
1 Maj 2022, 10:46 -
Sot dita pa makina në Tiranë, ja si do të bëhet lëvizja e automjeteve
24 Prill 2022, 08:16 -
Sot dita pa makina në Tiranë, ja si do të bëhet lëvizja e automjeteve
17 Prill 2022, 10:00
