POP 5

Lajmet më të lexuara të 5 minutave të fundit

Kultura

Panairi i Librit/ Nga Zvicra në Tiranë për ribotimet e babait, Bedri Dedes! Canosinaj, shkrimtari që drejton 'varkën' e librave! Kosova në stenda si model për Shqipërinë

Në Pallatin e Kongreseve ka nisur panairi i 26-të i librit me 95 ekspozues. Dita e parë mblodhi personazhe ‘besnikë’ të kësaj tradite, vizitorë dhe shtëpi botuese nga Kosova që sjellin një model politik për librin.

Tirane - Nisi sot ( 15 nentor) edicioni i 26-të i Panairit të Librit. E kthyer në traditë, ceremonia çelëse, bëri bashkë në Pallat të Kongreseve edhe ‘kujdestarët’ e politikave të librit dhe bibliotekave.

Nuk ka lehtësi për ekspozimin. Shtëpitë e mëdha botuese janë rivendosur në hapësirat në kat të parë, ku për qiranë u duhet të paguajnë mbi 80 euro për m2 gjatë 5 ditëve Panair. E megjithatë, edhe botuesit e vegjël, si dy motrat Kokona, që kujdesen për botimet Kokona, i qëndrojnë besnikë traditës së Panairit dhe ekspozojnë ribotimet e babait, Vedat Kokonës.

Në kat të dytë të Pallatit të Kongreseve, takojmë një nga personazhet më interesantë të Panairit, shkrimtarin Viktor Canosinaj. Ai ka stendën e tij, ku çdo vit jo vetëm firmos autografë por edhe ekspozon librat e tij.

Do të ketë një sërë aktivitetesh promovuese deri të dielën, ku vëmendje të veçantë i është lënë letërsisë për fëmijë. Edlira Dedja, ka ardhur apostafat nga Zvicra ku jeton për të prezantuar ribotimet e babait të saj Bedri Dedes.

Sa i përket shtëpive botuese nga trevat e tjera shqiptare, mbizotërojnë stendat nga Kosova.

Kosova në fakt vjen me politika më të avancuara për librin, duke lehtësuar çmimet e botimeve për autorët, e njëherazi me një buxhet të lartë krahasuar me 12 milionë lekë që i jepen Qendrës së Librit në Shqipëri.

Mes 95 ekspozuesve janë me botimet e tyre në Panair edhe institucione akademike dhe fetare nga të gjitha trevat.

S.G//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë

Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë

25 Dhjetor, 10:17