Borrell: U pezulluan 'pasaportat e arta'! Rama: Nëse Gjykata Europiane vendos kundër, çështje e mbyllur! Mund të anëtarësohemi në BE brenda dekadës

Kur u pyet për zgjedhjet vendore, përfaqësuesi i Lartë i BE, Josep Borrell zgjodhi të mos e komentojë por me ndërhyrjen e Edi Ramës u shpreh se do të mbahen sipas standardeve ndërkombëtare.

Borrell: Sa i përket zgjedhjeve, besoj se nuk është vendi që unë mund të komentoj. Besoj se jam plotësisht i bindur që këto cështje ligjore i përkasin shtetit shqiptar.

Rama: Po ka nevojë që t’jua thoni juve. Në Shqipëri kemi dashur gvjithmonë të dimë se cfarë mendojnë në Stamboll, Moskë e Pekin, tani edhe në Bruksel. Duhet të thoni cfarë mendoni.

Borrell:  Besojmë se zgjedhjet mbahen sipas standardeve ndërkombëtare.

Rama dhe dy zyrtarët e lartë, Varhelyi dh Borrell u pyetën për anëtarësimin e Shqipërisë në BE. Të pyetur për data, Rama dhe Varleheyi theksuan se ky proces matet me pune, jo me afate.

“Është një pyetje që më bëhet sa herë vij këtu. Kemi çdo gjë në vendin e duhur. Kemi bisedimet e anëtarësimin, gjithçka varet nga sa shpejt përmbushen kushtet për anëtarësimet nga Shipëria. Nuk punojmë me afate se nuk arrihet puna në terren. Ky është një çamçakëz për debate publike.”- tha Varhelyi.

Ndërkohë, Rama tha se ka një mënyrë tjetër sesi operon BE.

“Pyetje që të ç’armatosin dhe përsëriten vazhdimisht. Keni studiuar apo lexuar që e keni parë ndonjëherë që të vendoset datë nga Brukseli që të ketë data? Për çfarë e kërkoni datën? S’ka ndodhur kurrë. Do ndodhë kur të plotësohen kushtet e brendshme apo të jashtme. Për çfarë e kërkoni datën kur nuk është hiç fare mënyra sesi operon BE. Data vendoset kur i vjen dita dhe dita vjen kur i ke bërë detyrat dhe ata janë të gatshëm të shqyrtojnë detyrat e tua dhe të vendosin notën.

Ajo që na intereson është, a i bëjmë ne detyrat apo jo? I kemi kryer detyrat apo jo? Përsa kohë i kryejmë jemi në rrugën e duhur. Por që të bëhemi anëtar të BE ka ende shumë detyra për të kryer. S’vijmë nga një histori e njëjtë me ata që janë anëtar të BE. Ata që janë anëtar të BE kanë pasur shtet kur ne s’dinim ku ishim. Ndërtimi i një shteti funksional s’është fjalë goje dhe ky është procesi i integrimit. Sot jemi në proces dhe BE është në një tjetër qasje ndaj nesh e ndaj rajonit që nuk e kishte para disa vitesh. Qasja sot është fakt.

Ne kemi bërë tonën por BE ka qasje tjetër. Gjithë tronditjet gjeopolitike e kanë futur BE në një tjetër rrugë. Të gjitha ndikojnë. Me BE që kemi sot, anëtarësimi mund të bëhet brenda kësaj dekade. Ne na intereson të bëjmë detyrat tona sepse rrugët shkurt të çojnë më gjatë.”- tha Rama.

Përfaqësuesi i BE-së, Josep Borrell komentoi për Report Tv dialogun Kosovë-serbi dhe takimin e radhës që do të mbahet në Ohër. Për gazetarin e Report Tv, Ermal Qori, Borrell tha se dy palët kanë pranuar propozimin europian, por është e rëndësishme afati se kur do zbatohen. Borrell tha se në takim do diskutohen afatet kur do zbatohet kjo marrëveshje dhe nëse palët bien dakord do ishte një fitore.

“Dialogu Beograd Prishtinë në datën 27 shkurt patëm një mbledhje në Bruksel, unë me Vuçiç dhe kutin, ranë dakord që nuk nevojiteshin disk të mëtejshme për propozimin e BE. Gjuha dhe teksti i kësaj marrëveshje është i mbyllur. Kjo marrëveshje sjell shpresë për normalizimin e marrëdhënieve mes Prishtinës dhe Beogradit. Një gjë është marrëveshja dhe tjetër gjë është kur dhe si zbatohet. Po punojmë, jo vetëm me marrëveshjen që është rënë dakord, por për zbatimin e saj. Ky zbatim është një shtojcë që është pjesë e marrëveshjes, që do ti detyrojë palët të kenë të njëjtin kuptim të afateve. Është një marrëveshje që e bën marrëveshjen mes Kosovës dhe Serbisë më afër, i vë në një bazë me të qëndrueshme dhe të re dhe siguron që do vazhdojë dialogu me. Shpresoj që të shtunë të dyja palët të vijnë me një qasje konstruktive, për të rënë dakord për afatit e zbatimit, nëse kjo ndodh Ballkani perëndimor do festojë një hap të jashtë përpara drejt rrugëtimit europian”, tha Borrell.

Teksa po përflitet se Sali Berisha mund të shpallet non grata edhe nga BE, zyrtari i lartë Josep Borell tha se nuk ka asnjë informacion për sanksione ndaj ndonjë shtetasi shqiptar.

“Nga pikëpamja jonë e vetmja gjë që mund të themi është që ne i marrim vendimet për sanksionet e Këshillit dhe këto janë pjesë e politikës së jashtme dhe sigurisë, por mesa di unë nuk kam asnjë informacion për propozim për sanksione për qytetarë shqiptarë,” – u shpreh Borrell.

Komisionri për Fqinjësinë dhe Zgjerim Oliver Varhelyi është shprehur se shumë shpejt do të ketë një kapmus evropian në Tiranë. Kjo sipas tij  është një sinjal i qartë për të ardhmen e Shqipërisë e cila përket në BE.

‘ Jam i lumtur që gjetëm financime për kampusin evropian në Tiranë, Ky është një sinjal i qartë, se anëtarësimi është afër. Jam krenar të deklaroj se do të nisim procesin e pranimeve qysh në shtator të këtij viti. Ne kemi nevojë për kolegjin dhe do të ofrojmë financimin për të. Në gjysmën  e dytë të këtij viti do të kemi zhvillime të mëdha për të ardhmen e Shqipërisë në BE.’- tha Oliver Varhelyi. 

Kujtojmë se Rama e kishte parlamëruar krijimin e këtij korupusi i cili do të mundësojë studimet në Shqipëri njëlloj si në Evropë për të rinjtë. 

Pas takimit me zyrtarët e lartë të BE, Oliver Varhelyi dhe Josep Borrell, kreu i qeverisë u shpreh se është mbyllur procesi i konsultimit për kanabisit mjekësor ndaj çështja do të vijojë në parlament. Në fund të fjalës u shpreh se Komisioneri Varhelyi ka ardhur këtë herë në Tiranë me fondin për ndërtimin e Kolegjit Europian.

“E fundit kemi përfunduar dhe procesin e konsultimit për kanabisin mjekësor e do të vijojmë në parlament duke pasur parasysh si e shkruajmë, zbatojmë dhe procesi i monitorimit. Në mbyllje dua t’ju falenderoj, veçanërisht komisionerin që s’vjen vetëm me buqetën e parimeve dhe predikimeve por edhe me portofol europian që e hap gjithmonë.

Këtë herë ka sjellë fondin për Kolegjin Europian pasi u propozua prej nesh dhe u pranua në samitin e Tiranës dhe kjo është dhuratë e bukur dhe e merituar nga Shqipëria”, tha Rama.

Kryeministri Rama është shprehur se reforma e drejtësisë është një reformë është duke dhënë fryte domethënëse. Ai u shpreh se shumë shpejt do të ketë një reformë për heqjen e prokurorimeve. Ai shprehet se kjo do të përmbysë sistemin e prokurorimeve publike.

“Gjërat kanë shkuar sipas parashikimeve, s’kemi vonesa as probleme. Ne sot mund të konstatojmë ecurinë e reformës në drejtës,. Reforma në drejtësi po jep fryte domethënëse. Nuk është fushë me lule, ka dhe ajo ferrat e veta. Në Shqipëri po ndodh ajo që deri shumë pak kohë më para askush nuk e imagjinonte. Drejtësia, po godet njerëz, individë, të lidhur me pushtetin apo jo, siç nuk ka ndodhur kurrë në historinë e këtij vendi. Kjo reformë që koha e të paprekshmëve dhe të strehuarve nën ombrellën e pushtetit, ka mbaruar. Jam krenar që Shqipëria është i vetmi vend në rajon që e ka hedhur këtë hap. Cilido qoftë, nëse ka punë me drejtësinë duhet të marrë avokat. PS nuk ofron shërbime avokatie për askënd.

 Po përgatisim një reforme që do të përmbysë sistemin e prokurorimve publike.

Heqja e prokurorimeve nga duart e institucioneve është objektivi ynë. Nuk do ketë më zyrtarë të lartë që do të kenë lidhje publike. Për këtë po bashkëpunojmë me agjencitë e Kombeve të Bashkuara. Ky është një aspekt që do e shpëtojë Shqipërinë nga aspektet e luftës kundër korrupsionit.”- tha Rama.

Kreu i qeverisë është shprehur se e kanë pezulluar projektin e pasaportave të arta derisa të marrë vendim gjykata europiane. 

“E kemi pezulluar projektin e pasaportave të arta. Nuk do ta nxjerrim më këtë inciativë në tavolinë pa vendosur gjykata europiane. Nëse vendos gjykata europiane kundër, nuk do e hapim më si çështje.

Ne e vlerësojmë shumë angazhimin e komisionit dhe delegacionit për të na ofruar ekspertizë për amnistinë fiskale. Ne nuk heqim dorë thjesht se nuk është gjë e mirë por ama ne duam që ta bëjmë së bashku e duam t’i shkojmë deri në fund procesit të dialogut. Besojmë se është e mirë për Shqipërinë”, tha Rama.

Kreu i qeverisë, Edi Rama ka shprehur mirënjohje për zyrtarët e lartë që po mbështesin integrimin në BE të Shqipërisë, e cila thotë se është në krye të trenit në këtë rajon. Po ashtu përmend përpjekjen për normalizimin e marrëdhënieve Kosovë-Serbi duke thënë se e sheh me admirim këtë proces. Rama thotë se dokumenti është gjëja më i mirë që mund t’i ndodhë.

“Dëshiroj të shpreh mirënjohjen për gjithë mbështetjen që kemi marrë prej jush dhe komisionerit Varhelyi me një process që ka qenë tejet i vështirë dhe me një periudhë kohe jo të shkurtër shumë i padrejtë drejt Shqipërisë prej konjukturave politike.

Ju na keni dëshmuar sërish respekt, përkushtim dhe vullnet të palëkundur për të na mbështetur në këtë rrugë që tanimë është e celur, e drejtë dhe natyrisht jo pa vështirësitë e veta. Më vjen shumë mirë që atmosfera e kësaj mbledhje ishte jashtëzakonisht positive.

Kemi dakordësi të plotë në të gjithë boshtin e kësaj marrëdhënie strategjike. Shqipëria sot nuk është më në fund të trenit të integrimit por në krye në këtë rajon ku roli ynë vlerësohet si model në aspektin e promovimit të paqes, dialogut, normalizimit. Më lejoni t’ju them që e shohim me admirim përpjekjen tuaj për normalizimin e marrëdhënieve Kosovë-Serbi. Në këndvështrimin tonë, dokumenti është gjëja më e mirë që mund t’i ndodhë dhe dua të besoj që asnjëra palë nuk do ia lejojë vetes që të mos e përqafojë plotësisht dokumentin dhe programin e implementimit të tij se realisht BE i kanë ofruar Kosovës, Serbisë, rjaonit, gjeneratave të tjera një rrugë të re”, tha Rama.

Shefi i Diplomacisë së BE, Josep Borrell në konferencën për shtyp me kryeministrin Rama tha se Shqipëria ka treguar frymën europiane dhe se do jenë gjithmonë në krah të vendit tonë.

“Kjo mbledhje organizohet dhe mbahet në një realitet të ri dhe shumë sfidues që është shkaktuar nga agresioni rus, por e bëri këtë aktivitet dhe BE më të bashkuar dhe e ka sjellë më pranë BE dhe Ballkanin. Ky është moment kritik i të vërtetës dhe Shqipëria ka treguar frymën e vërtet europiane, duke vepruar plotësisht në përputhje me politikën e jashtme të BE. Kjo ka treguar cilësinë e Shqipërisë si një partneri besueshëm i sigurisë dhe e bën Shqipërinë një shenjë të veprimeve agresore nga jashtë dh ene prandaj do vazhdojmë mbështetjen e Shqipërisë. Kemi ndërmarrë veprime të shpejta dhe i jepmi përgjigjur pas sulmit kibernetik gjatë verës së shkuar, kemi përfshirë të gjithë partnerët dhe të gjithë partnerët tonë në zbutjen e ndikimit të luftës se ka prekur shumë vende në të gjithë botën, veç Ballkanin. Duhet të mobilizojmë në mënyrë urgjente, mbështetje konkrete në fushën e energjisë 80 mln euro,. Duke është nënshkruar dhe këto para do vihen në dispozicion shumë shpejt. Është mirë të dimë që mund të mbështetemi te partnerët tanë”, tha Borrell.

Shefi i Diplomacisë së BE, Josep Borrell ka shprehur se Shqipëria ka bërë progres për anëtarësimi me BE. Ai tha se tashmë ka një dakordësi me Ramën që skema e pasaportave të arta nuk do të ecë më tej

“Është vizita ime e tretë në Shqipëri si përfaqësues i BE por sot është moment historik për marrëdhëniet  tona. Sot jemi këtu për t’i treguar popullit shqiptar që BE është më pranë jush si vend kandidat për BE. E përdorin këshillin e stabilizim asociimit për marrëdhëniet mes BE dhe Shqipërinë. Shqyrtojmë çfarë është bërë, ku ka nevojë për përpjekje dhe çfarë mund t bëjmë. Ne shohim dhe mirëpresim drejtimin strategjik të qarë të Shqipërisë në BE. Po punojmë për anëtarësimin e Shqipërisë në të gjitha fushat. Dua të pranoj dhe të vlerësoj se ky vend ka treguar pjekuri në të gjitha reformat, sidomos në drejtësi e cila ka ecur përpara. Institucionet shqiptare duhet të përshpejtojnë reformat. Patëm mundësi të mirëpresim vendimin e kryeministrit që nuk do të bëhet miratimi i pasaportave të arta.”- tha Borrell.

Ka nisur në Tiranë mbledhjes e dymbëdhjetë midis BE-së dhe Shqipërisë për Këshillin e Stabilizimit dhe Asociimit. Në këto pamje shikohet Kryeministri Rama teksa pret dy zyrtarët e lartë të Bashkimit Europian, Josep Borrell dhe komisioneri europian Oliver Varhelyi.

Shefi i Diplomacisë së BE-së, Borrell ka ndarë një foto nga sheshi Skënderbej. Ai thotë se është shumë i gëzuar që ka nisur ditën në Tiranë.

“Gëzohem që e nis ditën time në Tiranë ku do të mbajmë Këshillin e Stabilizim-Asociimit me Kryeministrin 

@ediramaal

- historikisht për herë të parë në Shqipëri. Kjo pasqyron angazhimin e qartë ndaj anëtarësimit të Shqipërisë në BE dhe vlerësimin për orientimin e saj strategjik edhe në politikën e jashtme.”- tha ai.

Dy zyrtarët e lartë të BE, komisioneri për Zgjerimin Oliver Varhelyi dhe Përfaqësuesi i Lartë Josep Borrell kanë mbërritur në ambientet e hotelit ku do të zhvillojnë takimin me kreun e qeverisë Edi Rama.