POP 5

Lajmet më të lexuara të 5 minutave të fundit

Sport

Sot ndeshjet e fundit të 1/8, në 18:00 luhet klasikja Angli-Gjermani, edhe Suedi-Ukrainë për një biletë në çerekfinale

Sot luhen edhe dy ndeshjet e fundit të fazës së 1/8 të Euro 2020. Në 18:00 në mitikun “Uembli” luhet klasikja e futbollit evropian Angli-Gjermani ku emocionet janë të garantuara. Ndërsa në mbrëmje edhe Suedi-Ukrainë luhet për një biletë në çerekfinale.

Sot mbyllet faza e 1/8 e Euro 2020 me një klasike të futbollit evropian. Në mitikun “Ëembley” duke nisur nga ora 18:00 Anglia dhe Gjermania përballen në betejën e radhës. Gjermania humbjen e fundit në këtë stadium ndaj Anglisë e ka në finalen e Botërorit në 1966-të dhe që atëherë ka fituar 5 e barazuar dy nga shtatë ndeshjet me Anglinë në “Ëembley”. Por “tre luanët” duan të bëjnë historinë dhe i kanë të gjitha mundësitë. Anglia ende nuk ka pësuar gol në këtë evropian dhe trajneri Gareth Southgate deklaron: Është shumë herët për një Angli-Gjermani por për skuadrën time është një mundësi e artë për të bërë historinë”. Anglia e mbylli në vend të parë në grupin D dhe pritet që titullar të rikthehet Foden, të konfirmohet Saka e të luajë në mesfushë Henderson.

Gjermania ka historinë në favor por nuk ka treguar qëndrueshmëri në ndeshjet e grupit dhe mbi skuadrën janë ngritur shumë pikëpyetje. Pancerat e mbyllën në vend të dytë grupin F dhe trajneri Joachim Loeë thotë se Anglia është rritur shumë si skuadër dhe se do të jenë detajet ato që do bëjnë diferencën por djemtë e tij duan kalimin në çerekfinale.Në formacion pritet vetëm një ndryshim Goretzka do luajë në vend të Gundogan.

Kush kalon nga Angli-Gjermani do të përballet në çerekfinale me fituesen e Suedi-Ukrainë që luhet në mbrëmje në “Hampden Park”. Suedia e mbylli grupin E në vend të parë dhe ka 8 ndeshje radhazi që nuk humbet gjatë këtij viti. Kulusevski, Isak dhe Forsberg do kërkojnë golin.

Ukraina e Shevchenkos kaloi si një nga të tretat më të mira. Ekipi është gati të bëjë historinë dhe në fushë do zbresin më të mirët./Përgatiti Andi Kapxhiu

I.K//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gili dhe Redoni tërhiqen nga gara, Egli në lot, ja si reaguan banorët e tjerë

Gili dhe Redoni tërhiqen nga gara, Egli në lot, ja si reaguan banorët e tjerë

26 Dhjetor, 14:58