POP 5

Lajmet më të lexuara të 5 minutave të fundit

Sport

Sot në Euro 2020, në fushë grupi i 'ferrit', spikat Francë-Gjermani! Portugalia e nis aventurën me Hungarinë   

Sot zbresin në fushë skuadrat e atij që është quajtur grupi i “ferrit” i Euro 2020. Në mbrëmje Franca kampione e botës në fuqi përballet me Gjermaninë. Ndërsa në orën 18:00 zbret në fushë kampionia në fuqi e Europës Portugalia që luan me Hungarinë.

Në ditën e pestë të Euro 2020 zbresin në fushë skuadrat e grupit F që është cilësuar si grupi i “ferrit”. Në mbrëmje në Mynih luhet Francë-Gjermani një sfidë për tu parë e shijuar mes dy ekipeve favorite për fitoren e trofeut. Kampionët e botës në fuqi kanë 16 fitore në 20 ndeshjet e fundit dhe kanë një sulm të frikshëm me Griezmann, Benzema e Mbappe. Trajneri Didier Deschamps kërkon nga futbollistët e tij që të jenë të kujdesshëm dhe efektiv si në sulm ashtu edhe në mbrojtje. Formacionin tekniku tashmë e ka vendosur dhe Franca është e pamposhtur në 5 ndeshjet e fundit që ka luajtur me Gjermaninë.

Ekipi i Joachin Loeë është gati për sfidën e parë që do ta luajë në shtëpinë e tij në Mynih duke nisur nga ora 21:00.Trajneri i pancerave e vlerëson ekipin rival dhe thotë se të dyja skuadrat kanë sulm të rrezikshëm por kërkon përqëndrim në çdo moment.Me skemën 3-4-2-1 do të zbresë në fushë Gjermania ku formacioni thuajse është i përcaktuar dhe në majën e sulmit do luajnë Muller,Gnabry dhe Havertz. Më shumë se 14 mijë tifozë do shijojnë në stadium spektaklin e Francë-Gjermani.

Më herët në fushë duke nisur nga ora 18:00 po për grupin F zbret Portugalia kampionia në fuqi. Hungaria në shtëpinë e saj në Budapest sfidon luzitanët përpara 60 mijë tifozëve pra praktikisht me stadiumin e mbushur plot. Cristiano Ronaldo do të luajë evropianin e pestë por thotë se ndihet sikur të ishte i pari dhe është shumë i përqëndruar. CR7 kërkon trofeun e dytë radhazi edhe pse sqaron se skuadra ka shumë elementë të rinj.

Hungaria nuk e ka mposhtur asnjëherë Portugalinë në 13 ndeshje dhe skuadra është shumë më e re krahasuar me atë që morri pjesë në Euro 2016. Por mbështetja e tifozëve mund t’u japë futbollistëve një shtysë më shumë./Përgatiti Andi Kapxhiu

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12