POP 5

Lajmet më të lexuara të 5 minutave të fundit

Politikë

Spahiu: PS-PD përgjegjëse
për refuzimin e statusit

Kreu i AK-së ka akuzuar qeverinë dhe socialistët si përgjegjës që sot Shqipërisë iu refeuzua dhënia e statusit të vendit kandidat në Bashkimin Evropian.
TIRANE - Ta bëjmë Shqipërinë si gjithë Evropa. Sipas kreut të Aleancës Kuq e Zi, Krehsnik Spahiu, ky është premtimi i pambajtur i kryeministrit Berisha, kur vetëm sot Evropa i tha Jo Shqipërisë për marrjen e statusit të vendit kandidat në Bashkimin Evropian.

Spahiu tha se refuzimi i statusit shënohet në një ditë që përkon me 22-vjetorin e themelimit të Partisë Demokratike, ndërsa fajësoi qeverinë Berisha por edhe socialistët, të cilët sipas tij “e rreshtuan Shqipërinë të parën për krime, trafiqe, korrupsion dhe të fundit në standardet ekonomike, politike dhe institucionale.”

“22 vite demokratët dhe socialistët e rreshtuan Shqipërinë të parën për krime, trafiqe, korrupsion dhe të fundit në standardet ekonomike, politike dhe institucionale. Sot Brukseli i tha JO partisë e cila u përpoq t’i kapërcej standadet jo me përmbushje por me lobime anti shqiptare duke bërë koncesione në kurrriz të cështjes kombëtare. Demokratët dhe socialistët dështuan në qeverisjet e këtyre 22 viteve dhe na lan pas serbëve, malazezëve, maqedonasve dhe boshnjakve, pavarësisht faktit se këto kombe dolën nga 15 vite konflikte etnike dhe luftra. Historia dhe populli duhet të ndëshkojë këta politikanë dhe kye-arkitektin e rrënimit të integrimit të Shqipërisë, shtetasin Sali Berisha. Populli shqiptar duhet të ngrihet në këmbë për të larguar nga drejtimi dhe politika “krokodilin” e izolimit të Shqipërisë si mundësia e vetme që kombi më i lashtë në Europë të mos marr damkën e turpit në historisë moderne të Bashkimit Europian. Vendimi i refuzimit të vendit kandidat është një mesazh i qartë i Brukselit për cdo shqiptar, që të largojë me cdo mjet dhe kusht shtetasin Berisha nga politika”, u shpreh Spahiu.

Sipas kreut të AK-së, Parlamenti “dy ngjyrësh i demokratëve dhe socialistëve duhet të shpërbëhet dhe populli për herë të parë në histori duhet të sjellë një kuvend kuqezi.”

(Gre.M/Shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27