Projektbuxheti 2025 për Prokurorinë e Posaçme kundër Korrupsionit dhe Krimit të Organizuar parashikohet në 2.17 miliardë lekë.
Në seancën dëgjimore në Komisionin e Ligjeve, prokurori Alfred Shehu u shpreh sot (8 Nëntor) se SPAK ka kërkuar buxhet shtesë për pagat, por edhe ndërtimin e godinës së re.
“Në parashikimet buxhetore për këtë vit, edhe pse është reflektuar shqetësimi ynë lidhur me fondet buxhetore, sa i përket shpenzimeve kapitale, investimeve, konstatojmë që nuk janë marrë në konsideratë kërkesat shtesë lidhur me pagat, por gjithashtu do të ishte e nevojshme një plotësim i plotë i kërkesave në zërat e tjerë”.
Ai u shpreh se në total diferenca nga kërkesa e SPAK me projektbuxhetin e miratuar është në shifrën 198.770.472 lekë.
Sa i përket buxhetit afatmesëm 2025-2027, Shehu u shpreh se, SPAK ka paraqitur kërkesën për 40 punonjës shtesë për Byronë Kombëtare të Hetimit, të cilët janë miratuar në pr/buxhetin e 2025-ës në pozicionin hetues, në shumën 250 milionë lekë.
Gjithashtu, u shpreh Shehu, kërkesa shtesë për personel mbi organikë për 1 punonjës në pozicion drejtor kabineti dhe 10 punonjës në pozicionin e këshilltarëve të cilët janë miratuar në pr/buxhetin e 2025-ës në shumën 54 milionë lekë.
Relatori, deputeti Saimir Hasalla u shpreh se, ky buxhet në total i parashikuar për SPAK është rreth 2.17 miliardë lekë, nga të cilat 1.32 miliardë lekë shpenzime për paga, sigurime shoqërore, 248 milionë shpenzime për mallra dhe shpenzime. 600 milionë lekë shpenzime për investime”. Hasalla nënvizoi se, numri i punonjësve të SPAK për vitin 2025 është parashikuar të jetë 322 punonjës.
Në krahasim me ndryshimet e fundit të bëra në buxhetin e vitit 2024 rezulton se, shpenzime totale të SPAK janë rritur me rreth 356 milionë lekë ose 19.6% më shumë, theksoi Hasalla.
Ai shtoi se, SPAK ka paraqitur kërkesë për ndryshime buxhetore me shtesa mbi fondet e akorduara në pr/buxhetin e paraqitur nga Këshilli i ministrave në vlerën e 491.4 milionë lekë ose rreth 22.6% e fondeve të akorduara në buxhetin e vitit 2025.
Hasalla u shpreh se, prej këtyre 119 milionë lekë shtesë janë kërkuar në zërin e investimeve për ndërtimin dhe rikonstruksionin e godinës së re dhe urës lidhëse midis dy godinave si dhe investimeve të lidhura me të.
Përfaqësuesi Ministrisë së Financave u angazhua në rishikimin buxhetit të SPAK për zërin e pagave.
“Pjesën e pagave nevojitet që të bëjmë një rakordim me SPAK për të evidentuar se në llogaritë tona paraprakisht themi që jemi në nivelet e akomodimit normal të plotë të nevojave që ka SPAK. Megjithatë jemi të hapur të rakordojmë në mënyrë që të alokohet shuma e kërkuar”, tha përfaqësuesi i MF.
Ky projektbuxhet sipas prokurorit të SPAK, përmbush kërkesat e Byrosë Kombëtare të hetimin të cilës do shtohen hetuesit e rinj.
“Në kërkesa shtesë janë paraqitur për personelin e kërkuar nga Byroja Kombëtare e hetimit, konkretisht për 40 punonjës të cilët janë miratuar në projektbuxhetin e 2025, në pozicionin e hetuesit në shumën e 250 milionë lekë”, tha Shehu.
Nga 1 janari, SPAK do t'i kalonjë edhe kompetencat e Komisionerit Publik.
“Përveç shpenzimeve që do t’i duhet për shtim stafi për të kryer këtë detyrë të re kushtetuese ligji parashikon që do të duhet të ketë edhe një fazë tranzitore të institucionit të Komisionerit Publik, të administratës për të kryer transferimin e detyrës që parashikohet të jetë 6 muaj, 3 muaj, 9 muaj këtë do të duhet ta vlerësojmë të gjithë bashkë. A ka parashikim në buxhet për fondet që i duhet për këtë periudhë tranzitore kësaj pjese të administratës, Sekretarit të Përgjithshëm dhe një pjesë të stafit ndihmës që ata mendojnë që do të duhet të jetë rreth 16 punonjës?”, u shpreh Gazment Bardhi.
Ai gjithashtu theksoi që, “kërkesat e institucioneve të pavarura të drejtësisë të përcillen nga qeveria saktësisht siç janë paraqitur sepse qeveria nuk ka punë me buxhetin e institucioneve të pavarura, pastaj është Kuvendi që vendos, duke marrë sigurisht edhe mendimin e Ministrisë së Financave e përfshin apo jo të plotë kërkesën e institucioneve të drejtësisë”.
Sipas tij:
“Kjo që ndodh me buxhetin e shtetit, që institucionet e pavarura të drejtësisë paraqesin një kërkesë në MF dhe ministria vendos shpesh të sjellë më pak sesa institucionet e pavarura të drejtësisë kanë kërkuar, nuk përbën as më shumë e as më pak, por një cenim të pavarësisë financiare të institucioneve të drejtësisë”.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Buxheti 2025/ Xhixho e PL: Thellon varfërinë, pjesa më e madhe e parave te punët publike, sepse vidhen më lehtë! Rajoni pensione dyfish nga Shqipëria
22 Nëntor, 16:06 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Komisioni për Veprimtaritë Prodhuese/ Kërkohen amendime për buxhetin 2025! Agron Duka: Fermerët të subvencionohen për primin
21 Nëntor, 16:09 -
Partia e Lirisë propozon 15 Amendamente për Buxhetin 2025: Rritje e pensioneve me 6,5%, rrogave me 6,2% dhe ndihmës ekonomike me 20%
21 Nëntor, 16:07
SPAKU DUHET TE KETE 200 PROKURORE....
Përgjigju